निमित्तसप्तम्य् एषा । (१।१)

क्ङिन्निमित्ते ये गुणवृद्धी प्राप्नुतः ते न भवतः । (१।२)

चितः चितवान् । (१।३)

स्तुतः स्तुतवान् । (१।४)

भिन्नः भिन्नवान् । (१।५)

मृष्टः मृष्टवान् । (१।६)

तेxत्ङिति खल्व् अपि चिनुतः चिन्वन्ति । (१।७)

मृष्टः मृजन्ति । (१।८)

गकारो ऽपि अत्र चर्त्वभूतो निर्दिश्यते । (१।९)

ग्लाजिस्थश् च क्स्नुः जिष्णुः । (१।१०)

भूष्णुः । (१।११)

इकः इत्येव । (१।१२)

कामयते लैगवायनः । (१।१३)

मृजेर् अजादौ संक्रमे विभाषा वृद्धिर् इष्यते । (१।१४)

संक्रमो नाम गुणवृद्धिप्रतिषेधविषयः । (१।१५)

परिमृजन्ति परिमार्जन्ति । (१।१६)

परिमृजन्तु परिमार्जन्तु । (१।१७)

लघूपधगुणस्य अप्यत्र प्रतिषेधः । (१।१८)

अचिनवम् असुनवम् इत्य् आदौ लकारस्य सत्य् अपि ङित्त्वे यासुटो ङिद्वचनं ज्ञापकम् ङिति यत् कार्यं तल्लकारे ङिति न भवति इति ॥ (१।१९)