परिभाषा इयं स्थानिनियमार्था । (१।१)

अनियमप्रसङ्गे नियमो विधीयते । (१।२)

वृद्धिगुणौ स्वसंज्ञया शिष्यमाणौ इकः एव स्थाने वेदितव्यौ । (१।३)

वक्ष्यति सार्वधातुकार्धधातुकयोः अङ्गस्य गुण इति । (१।४)

स इको एव स्थाने वेदितव्यः । (१।५)

नयति । (१।६)

भवति । (१।७)

वृद्धिः खल्व् अपि अकार्षीत् । (१।८)

अहार्षीत् । (१।९)

अचैषीत् । (१।१०)

अनैषीत् । (१।११)

अलावीत् । (१।१२)

अस्तावीत् । (१।१३)

गुणवृद्धी स्वसंज्ञया विधीयेते तत्र इकः इति एतदुपस्थितं द्रष्टव्यम् । (१।१४)

किं कृतं भवति द्वितीयया षष्ठी प्रादुर्भाव्यते । (१।१५)

मिदिमृजिपुगन्तलघऊपर्धाच्छिदृशिक्षिप्रक्षुद्रेष्व् अङ्गेन इग् विशेष्यते । (१।१६)

जुसि सार्वधातुकादिगुणेषु इकाङ्गं विशेष्यते । (१।१७)

मेद्यते । (१।१८)

अबिभयुः । (१।१९)

इकः इति किम् आत् सन्ध्यक्षरव्यञ्जनानां मा भूत् । (१।२०)

यानम् । (१।२१)

ग्लायति । (१।२२)

पुनर् गुणवृद्धिग्रहणं स्वसंज्ञया विधाने नियमार्थम् । (१।२४)

इह मा भूत् द्यौः पन्थाः सः इमम् इति ॥ (१।२५)