श्रीदेव्युवाच । (१।१)

बीजानां कल्पनं प्रोक्तं विशेषेण च साधनम् । (१।२)

जार्यन्ते तानि यैः सूते तान् विडान् वक्तुमर्हसि ॥ (१।३)

श्रीभैरव उवाच । (२।१)

जारणविड (१)कासीसं सैन्धवं काङ्क्षी सौवीरं व्योषगन्धकम् । (२।२)

सौवर्चलं सर्जिका च मालतीनीरसम्भवम् । (२।३)

शिग्रुमूलरसैः सिक्तो विडो ऽयं सर्वजारणः ॥ (२।४)

जारणविड (२)निर्दग्धं शङ्खचूर्णं तु रविक्षीरशतप्लुतम् । (३।१)

पुटितं बहुशो देवि प्रशस्तो जारणाविडः ॥ (३।२)

विड:: वडवामुखशतशो वा प्लुतं चूर्णं गन्धकस्य गवां जलैः ॥ (४।०)

निर्दग्धं शङ्खचूर्णं तु शिग्रुमूलाम्बुभावितम् । (५।१)

शतशो विषसिन्धूत्थसंयुतं वडवामुखम् ॥ (५।२)

विड:: वह्निमुखटङ्कणं शतशो देवि भावयेत् किंशुकद्रवैः । (६।१)

विडो वह्निमुखाख्योऽयं लोहानां जारणे प्रिये ॥ (६।२)

लोहजारणचूलिका गन्धपाषाणः कान्तस्य च मुखं प्रिये । (७।१)

एकैकमेव पर्याप्तं लौहचूर्णस्य जारणे ॥ (७।२)

ज्वालामुखविडगन्धतालकसिन्धूत्थं चूलीटङ्कणभूखगम् । (८।१)

क्षारैर्मूत्रैश्च विपचेदयं ज्वालामुखो विडः ॥ (८।२)

सर्वसत्त्वजारणएकविंशतिपर्यायं देवदालीदलद्रवैः । (९।१)

भावितो निचुलक्षारः सर्वसत्त्वानि जारयेत् ॥ (९।२)

विडकरणवास्तुकैरण्डकदलीदेवदालीपुनर्नवम् । (१०।१)

वासा पलाशनिचुलं तिलकाञ्चनमाक्षिकम् ॥ (१०।२)

सर्वाङ्गं खण्डशश्छिन्नं नातिशुष्कं शिलातले । (११।१)

दग्धकाण्डैस् तिलानां तु पञ्चाङ्गं मूलकस्य च ॥ (११।२)

प्लावयेन्मूत्रवर्गेण जलं तस्मात् परिस्रुतम् । (१२।१)

लोहपात्रे पचेद्यन्त्रे हंसपाके ऽग्निमानवित् ॥ (१२।२)

बाष्पाणां बुद्बुदानां च बहूनामुद्गमो यदा । (१३।१)

तदा कासीससौराष्ट्रीक्षारत्रयकटुत्रयम् ॥ (१३।२)

गन्धकं च सितं हिङ्गुलवणानि च षट् तथा । (१४।१)

एषां चूर्णं क्षिपेदेष लोहसम्पुटमध्यगः । (१४।२)

सप्ताहं भूगतः पश्चाद्धान्यस्थः प्रवरो विडः ॥ (१४।३)

विडकरणजम्बीराम्लेन पचनं शिग्रुमूलद्रवेण च । (१५।१)

चूलिकागन्धकासिक्तौ द्वौ विडौ शतशः क्रमात् ॥ (१५।२)

हेमजारणविड (१)कोषातकीदलरसैः क्षारैर्वा निचुलोद्भवैः । (१६।१)

देवदालीशिवाबीजं गुञ्जासैन्धवटङ्कणम् । (१६।२)

भावयेदम्लवर्गेण विडोऽयं हेमजारणः ॥ (१६।३)

हेमजारणविड (२)मूलकार्द्रकचित्राणां क्षारैर् गोमूत्रगालितैः । (१७।१)

गन्धकः शतशो भाव्यो विडोऽयं हेमजारणे ॥ (१७।२)

हेमजारणविड (३)हरितालशिलाक्षारो लवणं शङ्खशुक्तिका । (१८।१)

हंसपाकविपक्वोऽयं विडः स्याद्धेमजारणे ॥ (१८।२)

एवं संगृह्य सम्भारान् रसकर्म समाचरेत् । (१९।१)

तन्ममाचक्ष्व देवेशि किमन्यच्छ्रोतुमिच्छसि ॥ (१९।२)