zu AHS, Sū., 9, 10.2
Select a line for its word-by-word analysis.
एवम् उक्तेन प्रकारेण तस्य तस्य द्रव्यस्य तत्तद्गुणयोगत्वात् जगति न किंचिद् द्रव्यमनौषधं विद्यते सर्वमेव द्रव्यम् औषधम् ॥ (२।०)
evam uktena prakāreṇa tasya tasya dravyasya tattadguṇayogatvāt jagati na kiṃcid dravyamanauṣadhaṃ vidyate sarvameva dravyam auṣadham ||
कुतः नानार्थयोगयोर् वशाद् अर्थः प्रयोजनम् योगो योजना नानाविधाव् अर्थयोगौ नानार्थयोगौ तयोः ॥ (३।०)
kutaḥ nānārthayogayor vaśād arthaḥ prayojanam yogo yojanā nānāvidhāv arthayogau nānārthayogau tayoḥ ||
एतदुक्तं भवति यदेकस्मिन्नर्थे नोपयुज्यते तद् एवान्यस्मिन्न् उपयुज्यते ॥ (४।०)
etaduktaṃ bhavati yadekasminnarthe nopayujyate tad evānyasminn upayujyate ||
यदेकेन योगेन नोपयुज्यते तद् एवान्येनोपयुज्यते ॥ (५।०)
yadekena yogena nopayujyate tad evānyenopayujyate ||
यथा अत्यन्तानुपयुक्तोऽपि खरमेषादिविड्रसो बिन्दुशः श्वासकासादौ अत्यन्तापथ्योऽपि माष इण्डुरीकृतः सनवनीतो ऽर्दितादौ ॥ (६।०)
yathā atyantānupayukto'pi kharameṣādiviḍraso binduśaḥ śvāsakāsādau atyantāpathyo'pi māṣa iṇḍurīkṛtaḥ sanavanīto 'rditādau ||
Data courtesy of The Digital Corpus of Sanskrit.