zu AHS, Sū., 9, 28.1
Select a line for its word-by-word analysis.
तत् सामान्योक्तं कर्म भिद्यते विशिष्यते अन्यथाक्रियत इत्यर्थः ॥ (४।०)
tat sāmānyoktaṃ karma bhidyate viśiṣyate anyathākriyata ityarthaḥ ||
केन विचित्रप्रत्ययारब्धद्रव्यभेदेन विचित्राः परस्परविलक्षणाः प्रत्ययाः कारणभूता महाभूतसंघाताः तैर् आरब्धं यद् द्रव्यं तस्य भेदो द्रव्यान्तरविशिष्टत्वं तेन ॥ (५।०)
kena vicitrapratyayārabdhadravyabhedena vicitrāḥ parasparavilakṣaṇāḥ pratyayāḥ kāraṇabhūtā mahābhūtasaṃghātāḥ tair ārabdhaṃ yad dravyaṃ tasya bhedo dravyāntaraviśiṣṭatvaṃ tena ||
पार्थिवाद् यवान्तरसामान्यभेदस्य पूर्वमुक्तत्वात् पुनस्तद् इत्युक्तम् ॥ (६।०)
pārthivād yavāntarasāmānyabhedasya pūrvamuktatvāt punastad ityuktam ||
एतदुक्तं भवति क्वचिद्द्रव्ये यादृगेव भूतसंघातो द्रव्यस्यारम्भकः तादृगेव रसादीनाम् ॥ (७।०)
etaduktaṃ bhavati kvaciddravye yādṛgeva bhūtasaṃghāto dravyasyārambhakaḥ tādṛgeva rasādīnām ||
तत्समानप्रत्ययारब्धम् तत्सामान्यगुणान् नातिक्रामति ॥ (८।०)
tatsamānapratyayārabdham tatsāmānyaguṇān nātikrāmati ||
क्वचिदन्यादृग्भूतसंघातो द्रव्यस्यारम्भको ऽन्यादृग् रसस्यान्यादृक् गुणस्येत्यादि तद्विचित्रप्रत्ययारब्धम् तत्सामान्यगुणान् अतिक्रामति ॥ (९।०)
kvacidanyādṛgbhūtasaṃghāto dravyasyārambhako 'nyādṛg rasasyānyādṛk guṇasyetyādi tadvicitrapratyayārabdham tatsāmānyaguṇān atikrāmati ||
तदर्थं द्रवद्रव्यान्न स्वरूपविज्ञानीयाद्यारम्भः ॥ (१०।०)
tadarthaṃ dravadravyānna svarūpavijñānīyādyārambhaḥ ||
Data courtesy of The Digital Corpus of Sanskrit.