zu AHS, Sū., 9, 15.2
Select a line for its word-by-word analysis.
ननु एवं रसादीनामपि वीर्यत्वप्रसङ्ग इत्याह गुर्वादिष्विति ॥ (१।०)
nanu evaṃ rasādīnāmapi vīryatvaprasaṅga ityāha gurvādiṣviti ||
तेन चरकेण गुर्वादिष्व् एव वीर्याख्या वर्ण्यते ॥ (२।०)
tena carakeṇa gurvādiṣv eva vīryākhyā varṇyate ||
यतस् तेषु क्रियमाणा वीर्यसंज्ञान्वर्था स्यात् ॥ (५।०)
yatas teṣu kriyamāṇā vīryasaṃjñānvarthā syāt ||
समग्रेषु गुणेषु मध्ये स्थिरत्वाच् चिरस्थायित्वात् शक्त्युत्कर्षविवर्तनात् उत्कृष्टशक्तित्वात् व्यवहाराय मुख्यत्वात् लोके शास्त्रे च मुख्यत्वेन व्यवह्रियमाणत्वात् बह्वग्रग्रहणाद् बहुगुणगणनायां प्रथमग्रहणात् ॥ (११।०)
samagreṣu guṇeṣu madhye sthiratvāc cirasthāyitvāt śaktyutkarṣavivartanāt utkṛṣṭaśaktitvāt vyavahārāya mukhyatvāt loke śāstre ca mukhyatvena vyavahriyamāṇatvāt bahvagragrahaṇād bahuguṇagaṇanāyāṃ prathamagrahaṇāt ||
विपाकेऽपि स्थिरत्वस्य प्रभावेऽपि शक्त्युत्कर्षस्य मृदुकठिनादाव् अपि व्यवहारमुख्यत्वस्य रसेष्व् अपि बह्वग्रग्रहणस्य दर्शनात् चतुर्णाम् उपादानम् ॥ (१२।०)
vipāke'pi sthiratvasya prabhāve'pi śaktyutkarṣasya mṛdukaṭhinādāv api vyavahāramukhyatvasya raseṣv api bahvagragrahaṇasya darśanāt caturṇām upādānam ||
Data courtesy of The Digital Corpus of Sanskrit.