पञ्चविंशब्राह्मणPañcaviṃśabrāhmaṇa
PaViBr, 15, 1
Select a line for its word-by-word analysis.
अक्रान् समुद्रः परमे विधर्मन्न् इति नवमस्याह्नः प्रतिपद् भवति ॥ (१।०)
akrān samudraḥ parame vidharmann iti navamasyāhnaḥ pratipad bhavati ||
परमं वा एतद् अहर् विधर्म विधर्म वा एतद् अन्यैर् अहर्भिर् अहर् यन् नवमं ज्येष्ठं हि वरिष्ठम् ॥ (२।०)
paramaṃ vā etad ahar vidharma vidharma vā etad anyair aharbhir ahar yan navamaṃ jyeṣṭhaṃ hi variṣṭham ||
मत्सि वायुम् इष्टये राधसे न इति वारुण्य् एषा भवति यद् वै यज्ञस्य दुरिष्टं तद् वरुणो गृह्णति तद् एव तद् अवयजति ॥ (३।०)
matsi vāyum iṣṭaye rādhase na iti vāruṇy eṣā bhavati yad vai yajñasya duriṣṭaṃ tad varuṇo gṛhṇati tad eva tad avayajati ||
स्तोत्रीयस् तृचो भवति प्राणापानानाम् अवरुद्ध्यै ॥ (४।०)
stotrīyas tṛco bhavati prāṇāpānānām avaruddhyai ||
दशर्चो भवति दशाक्षरा विराट वैराजम् अन्नम् अन्नाद्यस्यावरुद्ध्यै ॥ (५।०)
daśarco bhavati daśākṣarā virāṭa vairājam annam annādyasyāvaruddhyai ||
सप्रभृतयो भवान्तीन्द्रियस्य वीर्यस्य रसस्यानतिचाराय यत्र वै देवा इन्द्रियं वीर्यं रसम् अपश्यंस् तद् अनुन्यतुदन् ॥ (६।०)
saprabhṛtayo bhavāntīndriyasya vīryasya rasasyānaticārāya yatra vai devā indriyaṃ vīryaṃ rasam apaśyaṃs tad anunyatudan ||
अष्टाशफाः पशवः शफशस् तत् पशून् आप्नोति अष्टाक्षरा गायत्री तेजो ब्रह्मवर्चसं गायत्री तेज एव ब्रह्मवर्चसम् अवरुन्धे ॥ (८।०)
aṣṭāśaphāḥ paśavaḥ śaphaśas tat paśūn āpnoti aṣṭākṣarā gāyatrī tejo brahmavarcasaṃ gāyatrī teja eva brahmavarcasam avarundhe ||
चत्वारः षडृचा भवन्ति चतुर्विंशतिर् अर्धमासाः संवत्सरः संवत्सर एव प्रतितिष्ठति ॥ (१०।०)
catvāraḥ ṣaḍṛcā bhavanti caturviṃśatir ardhamāsāḥ saṃvatsaraḥ saṃvatsara eva pratitiṣṭhati ||
सवान् उत्तमः षडृचो भवत्य् उभयस्य परोक्षप्रत्यक्षस्यावरुद्ध्यै ॥ (११।०)
savān uttamaḥ ṣaḍṛco bhavaty ubhayasya parokṣapratyakṣasyāvaruddhyai ||
तृच उत्तमो भवति येनैव प्राणेन प्रयन्ति तम् अभ्युद्यन्ति ॥ (१२।०)
tṛca uttamo bhavati yenaiva prāṇena prayanti tam abhyudyanti ||
अष्टाचत्वारिंश एव स्तोमो भवति प्रतिष्ठायै प्रजात्यै ॥ (१३।०)
aṣṭācatvāriṃśa eva stomo bhavati pratiṣṭhāyai prajātyai ||
Data courtesy of The Digital Corpus of Sanskrit.