पञ्चविंशब्राह्मणPañcaviṃśabrāhmaṇa
PaViBr, 15, 2
Select a line for its word-by-word analysis.
अगन्म महा नमसा यविष्ठम् इत्य् आग्नेयम् आज्यं भवति ॥ (१।०)
aganma mahā namasā yaviṣṭham ity āgneyam ājyaṃ bhavati ||
गच्छन्तीव वा एते ये नवमम् अहर् गच्छन्ति ॥ (२।०)
gacchantīva vā ete ye navamam ahar gacchanti ||
यो दीदाय समिद्धस्वे दुरोण इति दीदायेव ह्य् एष यो नवभिर् अहर्भिस् तुष्टुवानः स्वाहुतम् इति स्वाहुतो ह्य् एष यो नवभिर् अहर्भिर् आहुतो विश्वतः प्रत्यञ्चम् इति विश्वतो ह्य् एष प्रत्यङ् ॥ (३।०)
yo dīdāya samiddhasve duroṇa iti dīdāyeva hy eṣa yo navabhir aharbhis tuṣṭuvānaḥ svāhutam iti svāhuto hy eṣa yo navabhir aharbhir āhuto viśvataḥ pratyañcam iti viśvato hy eṣa pratyaṅ ||
त्वं वरुण उत मित्रो अग्न इति वारुण्येषा भवति यद् वै यज्ञस्य दुरिष्टं तद् वरुणो गृह्णति तद् एव तद् अवयजति ॥ (४।०)
tvaṃ varuṇa uta mitro agna iti vāruṇyeṣā bhavati yad vai yajñasya duriṣṭaṃ tad varuṇo gṛhṇati tad eva tad avayajati ||
मित्रं हुवे पूतदक्षम् इति राथन्तरं मैत्रावरुणम् ॥ (५।०)
mitraṃ huve pūtadakṣam iti rāthantaraṃ maitrāvaruṇam ||
उग्रगाधम् इव वा एतद् यच्छन्दोमास् तद् यथात उग्रगाधे व्यतिषज्य गाहन्त एवम् एवैतद् रूपे व्यतिषजति छन्दोमानाम् असंव्याथाय ॥ (६।०)
ugragādham iva vā etad yacchandomās tad yathāta ugragādhe vyatiṣajya gāhanta evam evaitad rūpe vyatiṣajati chandomānām asaṃvyāthāya ||
महां इन्द्रो य ओजसा इत्यैन्द्रम् अष्टमेन वै देवा अह्नेन्द्रम् अवाजयन्न् अवमेन पाप्मानम् अघ्नन्न् अहर् एवैतेन महयन्ति ॥ (७।०)
mahāṃ indro ya ojasā ityaindram aṣṭamena vai devā ahnendram avājayann avamena pāpmānam aghnann ahar evaitena mahayanti ||
ता हुवे ययोर् इदम् इति राथन्तरम् ऐन्द्राग्नम् ॥ (८।०)
tā huve yayor idam iti rāthantaram aindrāgnam ||
उग्रगाधम् इव वा एतद् यच्छन्दोमास् तद् यथात उग्रगाधे व्यतिषज्य गाहन्त एवम् एवैतद् रूपे व्यतिषजति छन्दोमानाम् असंव्याथाय स्तोमः ॥ (९।०)
ugragādham iva vā etad yacchandomās tad yathāta ugragādhe vyatiṣajya gāhanta evam evaitad rūpe vyatiṣajati chandomānām asaṃvyāthāya stomaḥ ||
Data courtesy of The Digital Corpus of Sanskrit.