पञ्चविंशब्राह्मणPañcaviṃśabrāhmaṇa
PaViBr, 15, 6
Select a line for its word-by-word analysis.
आग्नेयीषु पूर्वेषाम् अह्नाम् उक्थानि प्रणयन्त्यथैतस्याह्न आग्नेय्यैन्द्र्यां प्रणयन्त्युभयोर् एव रूपयोः प्रतितिष्ठति ॥ (१।०)
āgneyīṣu pūrveṣām ahnām ukthāni praṇayantyathaitasyāhna āgneyyaindryāṃ praṇayantyubhayor eva rūpayoḥ pratitiṣṭhati ||
आग्नेय्यैन्द्रीषु स्तुवन्ति ब्रह्म चैव तत् क्षत्रं च सयुजीकरोति ब्रह्मैव क्षत्रस्य पुरस्तान् निदधाति ब्राह्मणे क्षत्रं च विशं चानुगे करोति ॥ (३।०)
āgneyyaindrīṣu stuvanti brahma caiva tat kṣatraṃ ca sayujīkaroti brahmaiva kṣatrasya purastān nidadhāti brāhmaṇe kṣatraṃ ca viśaṃ cānuge karoti ||
ओजस्य् एव तद् वीर्ये प्रतितिष्ठत्य् ओजो वीर्यं त्रैककुभम् ॥ (५।०)
ojasy eva tad vīrye pratitiṣṭhaty ojo vīryaṃ traikakubham ||
उद्वंशीयं भवति यद् एवोद्वंशीयस्य ब्राह्मणम् ॥ (६।०)
udvaṃśīyaṃ bhavati yad evodvaṃśīyasya brāhmaṇam ||
अष्टाचत्वारिंशं एव स्तोमो भवति प्रतिष्ठायै प्रजात्यै ॥ (७।०)
aṣṭācatvāriṃśaṃ eva stomo bhavati pratiṣṭhāyai prajātyai ||
Data courtesy of The Digital Corpus of Sanskrit.