उत्तरया दक्षिणस्याम् ईशानम् आवाहयति ॥ (१।१)

लौकिक्या वाचोत्तरस्यां मीढुषीम् ॥ (२।१)

मध्ये जयन्तम् ॥ (३।१)

यथोढम् उदकानि प्रदाय त्रीन् ओदनान् कल्पयित्वाग्निम् अभ्य् आनीयोत्तरैर् उपस्पर्शयित्वा उत्तरैर् यथास्वम् ओदनेभ्यो हुत्वा सर्वतः समवदायोत्तरेण यजुषाग्निं स्विष्टकृतम् । (४।१)

उत्तरेण यजुषोपस्थायोत्तरैः सहोदनानि पर्णान्य् एकैकेन द्वे द्वे दत्त्वा देवसेनाभ्यो दशोत्तराभ्यः ॥ (४।२)

पूर्ववद् उत्तरैः ॥ (५।१)

ओदनपिण्डं संवृत्य पर्णपुटे ऽवधायोत्तरेण यजुषा वृक्ष आसजति ॥ (६।१)

अत्र रुद्रान् जपेत् ॥ (७।१)

प्रथमोत्तमौ वा ॥ (८।१)

अभित एतम् अग्निं गाः स्थापयति यथैता धूमः प्राप्नुयात् ॥ (९।१)

ता गन्धैर् दर्भग्रुमुष्टिनावोक्षति वृषाणम् एवाग्रे ॥ (१०।१)

गवां मार्गे ऽनग्नौ क्षेत्रस्य पतिं जयते ॥ (११।१)

ईशानवद् आवाहनम् ॥ (१२।१)

चतुर्षु सप्तसु वा पर्णेषु नामादेशं दधाति ॥ (१३।१)

क्षिप्रं यजेत पाको देवः ॥ (१४।१)

उत्तराभ्याम् उपतिष्ठते ॥ (१५।१)

स्थालीपाकं ब्राह्मणान् भोजयेत् ॥ (१६।१)

क्षैत्रपत्यं प्राश्नन्ति ये सनाभयो भवन्ति ॥ (१७।१)

यथा वैषां कुलधर्मः स्यात् ॥ (१८।१)