नारद उवाच । (१।१)

सामान्यपूजां विष्ण्वादेर्वक्ष्ये मन्त्रांश् च सर्वदान् । (१।२)

समस्तपरिवाराय अच्युताय नमो यजेत् ॥ (१।३)

धात्रे विधात्रे गङ्गायै यमुनायै निधी तथा । (२।१)

द्वारश्रियं वस्तुनवं शक्तिं कूर्ममनन्तकम् ॥ (२।२)

पृथिवीं धर्मकं ज्ञानं वैराग्यैश्वर्यमेव च । (३।१)

अधर्मादीन् कन्दनालपद्मकेशरकर्णिकाः ॥ (३।२)

ऋग्वेदाद्यं कृताद्यं च सत्त्वाद्यर्कादिमण्डलम् । (४।१)

विमलोत्कर्षिणी ज्ञाना क्रिया योगा च ता यजेत् ॥ (४।२)

प्रह्वीं सत्यां तथेशानानुग्रहासनमूर्तिकाम् । (५।१)

दुर्गां गिरङ्गणं क्षेत्रं वासुदेवादिकं यजेत् ॥ (५।२)