चतुर्धा करवीरो ऽथ धत्तूरत्रितयं तथा । (१।१)

कोविदारो ऽब्धिर् अर्कः स्यान् नमेरुः किंशुकस् तथा ॥ (१।२)

पुन्नागस् तिलको ऽगस्त्यः पाटल्यौ च द्विधा स्मृते । (२।१)

अशोकश् चम्पको धन्वी केतकी द्विविधा तथा ॥ (२।२)

सिन्दूरी च तथा जाती मुद्गरः शतपत्त्रिका । (३।१)

मल्लिका च चतुर्धा स्याद् वासन्ती नवमल्लिका ॥ (३।२)

अतिमुक्तो द्विधा यूथी कुब्जको मुचकुन्दकः । (४।१)

करुणी माधवी चाथ गणिकारी च कुन्दकः ॥ (४।२)

बककेविकबन्धूकास् त्रिसन्धिश् च जपा तथा । (५।१)

प्रोक्ता भ्रमरमारी च तरुण्य् अम्लानकस् तथा ॥ (५।२)

किङ्किरातो ऽथ बालाख्यो झिण्टिका चोष्ट्रकाण्डिका । (६।१)

तगरं दमनद्वन्द्वं तुलसी मरुवो द्विधा ॥ (६।२)

अर्जकश् च चतुर्गङ्गा पत्त्री पाची च बालकः । (७।१)

बर्बरो मञ्चिकापत्त्रः प्रोक्ता चारामशीतला ॥ (७।२)

अथ कमलपुण्डरीकाह्वयकोकनदानि पद्मिनी चैव । (८।१)

पद्माक्षं च मृणालं तत्कन्दः केसरश् च तथा ॥ (८।२)

उत्पलकुमुदकुवलयम् उत्पलिनी चाङ्कवसुमित्या । (९।१)

उत्तंसनाम्नि वर्गे द्रव्याण्य् अत्रोपदिश्यन्ते ॥ (९।२)

करवीरकरवीरो महावीरो हयमारो ऽश्वमारकः । (१०।१)

हयघ्नः प्रतिहासश् च शतकुन्दो ऽश्वरोधकः ॥ (१०।२)

हयारिर् वीरकः कुन्दः शकुन्दः श्वेतपुष्पकः । (११।१)

अश्वान्तकस् तथाश्वघ्नो नखराह्वो ऽश्वनाशकः ॥ (११।२)

स्थलादिकुमुदः प्रोक्तो दिव्यपुष्पो हरप्रियः । (१२।१)

गौरीपुष्पः सिद्धपुष्पो द्विकराह्वः प्रकीर्तितः ॥ (१२।२)

करवीरः कटुस् तीक्ष्णः कुष्ठकण्डूतिनाशनः । (१३।१)

व्रणार्तिविषविस्फोटशमनो ऽश्वमतिप्रदः ॥ (१३।२)

रक्तकरवीररक्तकरवीरको ऽन्यो रक्तप्रसवो गणेशकुसुमश् च । (१४।१)

चण्डीकुसुमः क्रूरो भूतद्रावी रविप्रियो मुनिभिः ॥ (१४।२)

रक्तस् तु करवीरः स्यात् कटुस्तीक्ष्णो विशोधकः । (१५।१)

त्वग्दोषव्रणकण्डूतिकुष्ठहारी विषापहः ॥ (१५।२)

पीतकरवीरपीतकरवीरको ऽन्यः पीतप्रसवः सुगन्धिकुसुमश् च । (१६।१)

कृष्णकरवीरकृष्णस् तु कृष्णकुसुमश् चतुर्विधो ऽयं गुणे तुल्यः ॥ (१६।२)

धत्तूरधत्तूरः कितवो धूर्त उन्मत्तः कनकाह्वयः । (१७।१)

शठो मातुलकः श्यामो मदनः शिवशेखरः ॥ (१७।२)

खर्जूघ्नः काहलापुष्पः खलः कण्टफलस् तथा । (१८।१)

मोहनः कलभोन्मत्तः शैवः सप्तदशाह्वयः ॥ (१८।२)

धत्तूरः कटुर् उष्णश् च कान्तिकारी व्रणार्तिनुत् । (१९।१)

त्वग्दोषखर्जूकण्डूतिज्वरहारी भ्रमप्रदः ॥ (१९।२)

कृष्णधत्तूरकृष्णधत्तूरकः सिद्धः कनकः सचिवः शिवः । (२०।१)

कृष्णपुष्पो विषारातिः क्रूरधूर्तश् च कीर्तितः ॥ (२०।२)

राजधत्तूरकराजधत्तूरकश् चान्यो राजधूर्तो महाशठः । (२१।१)

निस्त्रैणिपुष्पको भ्रान्तो राजस्वर्णः षडाह्वयः ॥ (२१।२)

सितनीलकृष्णलोहितपीतप्रसवाश् च सन्ति धत्तूराः । (२२।१)

सामान्यगुणोपेतास् तेषु गुणाढ्यस् तु कृष्णकुसुमः स्यात् ॥ (२२।२)

कोविदारकोविदारः काञ्चनारः कुद्दालः कनकारकः । (२३।१)

कान्तपुष्पश् च करकः कान्तारो यमलच्छदः ॥ (२३।२)

पीतपुष्पः सुवर्णारो गिरिजः काञ्चनारकः । (२४।१)

युग्मपत्रो महापुष्पः स्याच् चतुर्दशधाभिधः ॥ (२४।२)

कोविदारः कषायः स्यात् संग्राही व्रणरोपणः । (२५।१)

दीपनः कफवातघ्नो मूत्रकृच्छ्रनिबर्हणः ॥ (२५।२)

अर्कअर्कः क्षीरदलः पुच्छी प्रतापः क्षीरकाण्डकः । (२६।१)

विक्षीरो भास्करः क्षीरी खर्जूघ्नः शिवपुष्पकः ॥ (२६।२)

भञ्जनः क्षीरपर्णी स्यात् सविता च विकीरणः । (२७।१)

सूर्याह्वश् च सदापुष्पो रविर् आस्फोटकस् तथा । (२७।२)

तूलफलः शुकफलो विंशतिश् च समाह्वयः ॥ (२७।३)

अर्कस् तु कटुर् उष्णश् च वातजिद् दीपनीयकः । (२८।१)

शोफव्रणहरः कण्डूकुष्ठक्रिमिविनाशनः ॥ (२८।२)

शुक्लार्कशुक्लार्कस् तपनः श्वेतः प्रतापश् च सितार्ककः । (२९।१)

सुपुष्पः शङ्करादिः स्याद् अत्यर्को वृत्तमल्लिका ॥ (२९।२)

श्वेतार्कः कटुतिक्तोष्णो मलशोधनकारकः । (३०।१)

मूत्रकृच्छ्रास्रशोफार्तिव्रणदोषविनाशनः ॥ (३०।२)

राजार्कराजार्को वसुको ऽलर्को मन्दारो गणरूपकः । (३१।१)

काष्ठीलश् च सदापुष्पो ज्ञेयो ऽत्र सप्तसंमितः ॥ (३१।२)

राजार्कः कटुतिक्तोष्णः कफमेदोविषापहः । (३२।१)

वातकुष्ठव्रणान् हन्ति शोफकण्डूविसर्पनुत् ॥ (३२।२)

श्वेतमन्दारकश्वेतमन्दारकस् त्व् अन्यः पृथ्वी कुरवकः स्मृतः । (३३।१)

दीर्घपुष्पः सितालर्को दीर्घात्यर्कः रसाह्वयः ॥ (३३।२)

श्वेतमन्दारको ऽत्युष्णस् तिक्तो मलविशोधनः । (३४।१)

मूत्रकृच्छ्रव्रणान् हन्ति क्रिमीन् अत्यन्तदारुणान् ॥ (३४।२)

नमेरुनमेरुः सुरपुंनागः सुरेष्टः सुरपर्णिका । (३५।१)

सुरतुङ्गश् च पञ्चाह्वः पुन्नागगुणसंयुतः ॥ (३५।२)

पलाशपलाशः किंशुकः पर्णो वातपोथो ऽथ याज्ञिकः । (३६।१)

त्रिपर्णो वक्रपुष्पश् च पूतद्रुर् ब्रह्मवृक्षकः । (३६।२)

ब्रह्मोपनेता काष्ठद्रुः पर्यायैकादश स्मृताः ॥ (३६।३)

पलाशस् तु कषायोष्णः क्रिमिदोषविनाशनः । (३७।१)

तद्बीजं पामकण्डूतिदद्रुत्वग्दोषनाशकृत् ॥ (३७।२)

तस्य पुष्पं च सोष्णं च कण्डूकुष्ठार्त्तिनाशनम् । (३८।१)

रक्तः पीतः सितो नीलः कुसुमैस् तु विभज्यते ॥ (३८।२)

किंशुकैर् गुणसाम्ये ऽपि सितो विज्ञानदः स्मृतः ॥ (३९।१)

पुन्नागपुन्नागः पुरुषस् तुङ्गः पुंनामा पाटलः पुमान् । (४०।१)

रक्तपुष्पो रक्तरेणुर् अरुणो ऽयं नवाह्वयः ॥ (४०।२)

पुन्नागो मधुरः शीतः सुगन्धिः पित्तनाशकृत् । (४१।१)

भूतविद्रावणश् चैव देवतानां प्रसादनः ॥ (४१।२)

तिलकतिलको विशेषकः स्यान् मुखमण्डनकश् च पुण्ड्रकः पुण्ड्रः । (४२।१)

स्थिरपुष्पः छिन्नरुहो दग्धरुहो रेचकश् च मृतजीवी ॥ (४२।२)

तरुणीकटाक्षकामो वासन्तः सुन्दरो ऽभीष्टः । (४३।१)

भालविभूषणसंज्ञो विज्ञेयः पञ्चदशनामा ॥ (४३।२)

तिलको मधुरः स्निग्धो वातपित्तकफापहः । (४४।१)

बलपुष्टिकरो हृद्यो लघुर् मेदोविवर्धनः ॥ (४४।२)

तिलकत्वक् कषायोष्णा पुंस्त्वघ्नी दन्तदोषनुत् । (४५।१)

क्रिमिशोफव्रणान् हन्ति रक्तदोषविनाशनी ॥ (४५।२)

अगस्त्यअगस्त्यः शीघ्रपुष्पः स्यात् अगस्तिस् तु मुनिद्रुमः । (४६।१)

व्रणारिर् दीर्घफलको वक्रपुष्पः सुरप्रियः ॥ (४६।२)

सितपीतनीललोहितकुसुमविशेषाच् चतुर्विधो ऽगस्तिः । (४७।१)

मधुरशिशिरस्त्रिदोषश्रमकासविनाशनश् च भूतघ्नः ॥ (४७।२)

अगस्त्यं शिशिरं गौल्यं त्रिदोषघ्नं श्रमापहम् । (४८।१)

बलासकासवैवर्ण्यभूतघ्नं च बलापहम् ॥ (४८।२)

पाटलीपाटली ताम्रपुष्पी च कुम्भिका रक्तपुष्पिका । (४९।१)

वसन्तदूती चामोघा स्थाली च विटवल्लभा । (४९।२)

स्थिरगन्धाम्बुवासी च कालवृन्तीन्दुभूह्वया ॥ (४९।३)

पाटली तु रसे तिक्ता कटूष्णा कफवातजित् । (५०।१)

शोफाध्मानवमिश्वासशमनी सन्निपातनुत् ॥ (५०।२)

सितपाटलीसितपाटलिका चान्या सितकुम्भी फलेरुहा । (५१।१)

सिता मोघा कुबेराक्षी सिताह्वा काष्ठपाटला । (५१।२)

पाटली धवला प्रोक्ता ज्ञेया वसुमिताह्वया ॥ (५१।३)

सितपाटलिका तिक्ता गुरूष्णा वातदोषजित् । (५२।१)

वमिहिक्काकफघ्नी च श्रमशोषापहारिका ॥ (५२।२)

अशोकअशोकः शोकनाशः स्याद् विशोको वञ्जुलद्रुमः । (५३।१)

मधुपुष्पो ऽपशोकश् च कङ्केलिः केलिकस् तथा ॥ (५३।२)

रक्तपल्लवकश् चित्रो विचित्रः कर्णपूरकः । (५४।१)

सुभगः स्मराधिवासो दोषहारी प्रपल्लवः ॥ (५४।२)

रागी तरुर् हेमपुष्पो रामावामङ्घ्रिघातकः । (५५।१)

पिण्डीपुष्पो नटश् चैव पल्लवद्रुर् द्विविंशतिः ॥ (५५।२)

अशोकः शिशिरो हृद्यः पित्तदाहश्रमापहः । (५६।१)

गुल्मशूलोदराध्माननाशनः क्रिमिकारकः ॥ (५६।२)

चम्पकचम्पकः स्वर्णपुष्पश् च चाम्पेयः शीतलच्छदः । (५७।१)

सुभगो भृङ्गमोही च शीतलो भ्रमरातिथिः ॥ (५७।२)

सुरभिर् दीपपुष्पश् च स्थिरगन्धो ऽतिगन्धकः । (५८।१)

स्थिरपुष्पो हेमपुष्पः पीतपुष्पस् तथापरः । (५८।२)

हेमाह्वः सुकुमारस् तु वनदीपो ऽष्टभूह्वयः ॥ (५८।३)

चम्पक::बुद्तत्कलिका गन्धफली बहुगन्धा गन्धमोदिनी त्रेधा ॥ (५९।१)

चम्पकः कटुकस् तिक्तः शिशिरो दाहनाशनः । (६०।१)

कुष्ठकण्डूव्रणहरो गुणाढ्यो राजचम्पकः ॥ (६०।२)

क्षुद्रचम्पकक्षुद्रादिचम्पकस् त्व् अन्यः स ज्ञेयो नागचम्पकः । (६१।१)

फणिचम्पकनागाह्वश् चम्पको वनजः शराः ॥ (६१।२)

वनचम्पकः कटूष्णो वातकफध्वंसनो वर्ण्यः । (६२।१)

चक्षुष्यो व्रणरोपी वह्निस्तम्भं करोति योगगुणात् ॥ (६२।२)

बकुलबकुलस् तु सीधुगन्धः स्त्रीमुखमधुदोहलश् च मधुपुष्पः । (६३।१)

सुरभिर् भ्रमरानन्दः स्थिरकुसुमः केसरश् च शारदिकः ॥ (६३।२)

करकः सीधुसंज्ञस् तु विशारदो गूढपुष्पको धन्वी । (६४।१)

मदनो मद्यामोदश् चिरपुष्पश् चेति सप्तदशसंज्ञः ॥ (६४।२)

बकुलः शीतलो हृद्यो विषदोषविनाशनः । (६५।१)

मधुरश् च कषायश् च मदाढ्यो हर्यदायकः ॥ (६५।२)

बकुल::ड़्लोwएर्बकुलकुसुमं च रुच्यं क्षीराढ्यं सुरभि शीतलं मधुरम् । (६६।१)

स्निग्धकषायं कथितं मलसंग्रहकारकं चैव ॥ (६६।२)

केतकीकेतकी तीक्ष्णपुष्पा च विफला धूलिपुष्पिका । (६७।१)

मेध्या कण्टदला चैव शिवद्विष्टा नृपप्रिया ॥ (६७।२)

क्रकचा दीर्घपत्रा च स्थिरगन्धा तु पांशुला । (६८।१)

गन्धपुष्पेन्दुकलिका दलपुष्पा त्रिपञ्चधा ॥ (६८।२)

स्वर्णकेतकीस्वर्णादिकेतकी त्व् अन्या ज्ञेया सा हेमकेतकी । (६९।१)

कनकप्रसवा पुष्पी हैमी छिन्नरुहा तथा । (६९।२)

विष्टरुहा स्वर्णपुष्पी कामखड्गदला च सा ॥ (६९।३)

केतकी::ड़्लोwएर्केतकीकुसुमं वर्ण्यं केशदौर्गन्ध्यनाशनम् । (७०।१)

हेमाभं मदनोन्मादवर्धनं सौख्यकारि च ॥ (७०।२)

केतकी::जुइचेतस्याः स्तनो ऽतिशिशिरः कटुः पित्तकफापहः । (७१।१)

रसायनकरो बल्यो देहदार्ढ्यकरः परः ॥ (७१।२)

सिन्दूरीसिन्दूरी वीरपुष्पश् च तृणपुष्पी करच्छदः । (७२।१)

सिन्दूरपुष्पी शोणादिपुष्पी षडाह्वयः स्मृतः ॥ (७२।२)

सिन्दूरी कटुका तिक्ता कषाया श्लेष्मवातजित् । (७३।१)

शिरआर्तिशमनी भूतनाशा चण्डीप्रिया भवेत् ॥ (७३।२)

जातीजाती सुरभिगन्धा स्यात् सुमना तु सुरप्रिया । (७४।१)

चेतकी सुकुमारा तु संध्यापुष्पी मनोहरा ॥ (७४।२)

राजपुत्री मनोज्ञा च मालती तैलभाविनी । (७५।१)

जनेष्टा हृद्यगन्धा च नामान्य् अस्याश् चतुर्दश । (७५।२)

मालती शीततिक्ता स्यात् कफघ्नी मुखपाकनुत् । (७५।३)

कुड्मलं नेत्ररोगघ्नं व्रणविस्फोटकुष्ठनुत् ॥ (७५।४)

मुद्गरमुद्गरो गन्धसारस् तु सप्तपत्त्रश् च कर्दमी । (७६।१)

वृत्तपुष्पो ऽतिगन्धश् च गन्धराजो विटप्रियः । (७६।२)

गेयप्रियो जनेष्टश् च मृगेष्टो रुद्रसंमितः ॥ (७६।३)

मुद्गरो मधुरः शीतः सुरभिः सौख्यदायकः । (७७।१)

मनोज्ञो मधुपानन्दकारी पित्तप्रकोपहृत् ॥ (७७।२)

शतपत्त्रीशतपत्त्री तु सुमना सुशीता शिववल्लभा । (७८।१)

सौम्यगन्धा शतदला सुवृत्ता शतपत्त्रिका ॥ (७८।२)

शतपत्त्री हिमा तिक्ता कषाया कुष्ठनाशनी । (७९।१)

मुखस्फोटहरा रुच्या सुरभिः पित्तदाहनुत् ॥ (७९।२)

मल्लिकामल्लिका भद्रवल्ली तु गौरी च वनचन्द्रिका । (८०।१)

शीतभीरुः प्रिया सौम्या नारीष्टा गिरिजा सिता । (८०।२)

मल्ली च दमयन्ती च चन्द्रिका मोदिनी मनुः ॥ (८०।३)

मल्लिका कटुतिक्ता स्याच् चक्षुष्या मुखपाकनुत् । (८१।१)

कुष्ठविस्फोटकण्डूतिविषव्रणहरा परा ॥ (८१।२)

मल्लिका::वल्लिकावल्लिका मोदिनी चान्या वटपत्त्रा कुमारिका । (८२।१)

सुगन्धाढ्या वृत्तपुष्पा मुक्ताभा वृत्तमल्लिका ॥ (८२।२)

नेत्ररोगापहन्त्री स्यात् कटूष्णा वृत्तमल्लिका । (८३।१)

व्रणघ्नी गन्धबहला दारयत्य् आस्यजान् गदान् ॥ (८३।२)

वार्षिकावार्षिका त्रिपुटा त्र्यस्रा सुरूपा सुलभा प्रिया । (८४।१)

श्रीवल्ली षट्पदानन्दा मुक्तबन्धा नवाभिधा ॥ (८४।२)

वार्षिका शिशिरा हृद्या सुगन्धिः पित्तनाशनी । (८५।१)

कफवातविषस्फोटक्रिमिदोषामनाशनी ॥ (८५।२)

वार्षिका::मृगमदवासासा दीर्घवर्त्तुलपुष्पविशेषाद् अनेकनिर्देशा । (८६।१)

मृगमदवासा त्व् अन्या कस्तूरीमल्लिका ज्ञेया ॥ (८६।२)

प्रातर्विकस्वरैका सायोद्भिदुरापि मल्लिका कापि । (८७।१)

वनमल्लिका नु सा स्याद् आस्फोता किंतु समगुणोपेता ॥ (८७।२)

वासन्तीवासन्ती प्रहसन्ती वसन्तजा माधवी महाजातिः । (८८।१)

शीतसहा मधुबहला वसन्तदूती च वसुनाम्नी ॥ (८८।२)

वासन्ती शिशिरा हृद्या सुरभिः श्रमहारिणी । (८९।१)

धम्मिल्लामोदिनी मन्दमदनोन्माददायिनी ॥ (८९।२)

नवमल्लिकानवमल्लिकातिमोदा ग्रैष्मी ग्रीष्मोद्भवा च सा । (९०।१)

सप्तला सुकुमारा च सुरभी सूचिमल्लिका । (९०।२)

सुगन्धा शिखरिणी स्यान् नेवाली चेन्दुभूह्वया ॥ (९०।३)

नवमल्लिकातिशैत्या सुरभिः सर्वरोगहृत् ॥ (९१।१)

अतिमुक्तकसैवातिमुक्तकाख्या पुण्ड्रकनाम्नी च काचिद् उक्तान्या । (९२।१)

मदनी भ्रमरानन्दा कामकान्ता च पञ्चाख्या ॥ (९२।२)

अतिमुक्तः कषायः स्याच् छिशिरः श्रमनाशनः । (९३।१)

पित्तदाहज्वरोन्मादहिक्काछर्दिनिवारणः ॥ (९३।२)

यूथिकायूथिका गणिकाम्बष्ठा मागधी बालपुष्पिका । (९४।१)

मोदनी बहुगन्धा च भृङ्गानन्दा गजाह्वया ॥ (९४।२)

सुवर्णयूथीअन्या यूथी सुवर्णाह्वा सुगन्धा हेमयूथिका । (९५।१)

युवतीष्टा व्यक्तगन्धा शिखण्डी नागपुष्पिका ॥ (९५।२)

हरिणी पीतयूथी च पोतिका कनकप्रभा । (९६।१)

मनोहरा च गन्धाढ्या प्रोक्ता त्रयोदशाह्वया ॥ (९६।२)

यूथिकायुगलं स्वादु शिशिरं शर्करार्तिनुत् । (९७।१)

पित्तदाहतृषाहारि नानात्वग्दोषनाशनम् ॥ (९७।२)

सितपीतनीलमेचकनाम्न्यः कुसुमेन यूथिकाः कथिताः । (९८।१)

तिक्तहिमपित्तकफामयज्वरघ्न्यो व्रणादिदोषहराः ॥ (९८।२)

सर्वासां यूथिकानां तु रसवीर्यादिसाम्यता । (९९।१)

सुरूपं तु सुगन्धाढ्यं स्वर्णयूथ्या विशेषतः ॥ (९९।२)

कुब्जककुब्जको भद्रतरुणो वृत्तपुष्पो ऽतिकेसरः । (१००।१)

महासहः कण्टकाढ्यः खर्वो ऽलिकुलसङ्कुलः ॥ (१००।२)

कुब्जकः सुरभिः शीतो रक्तपित्तकफापहः । (१०१।१)

पुष्पं तु शीतलं वर्ण्यं दाहघ्नं वातपित्तजित् ॥ (१०१।२)

मुचकुन्दमुचकुन्दो बहुपत्त्रः सुदलो हरिवल्लभः सुपुष्पश् च । (१०२।१)

अर्घ्यार्हो लक्ष्मणको रक्तप्रसवश् च वसुनामा ॥ (१०२।२)

मुचकुन्दः कटुतिक्तः कफकासविनाशनश् च कण्ठदोषहरः । (१०३।१)

त्वग्दोषशोफशमनो व्रणपामाविनाशनश् चैव ॥ (१०३।२)

करुणीकरुणी ग्रीष्मपुष्पी स्याद् रक्तपुष्पी च वारुणी । (१०४।१)

राजप्रिया राजपुष्पी सूक्ष्मा च ब्रह्मचारिणी ॥ (१०४।२)

करुणी कटुतिक्तोष्णा कफमारुतनाशिनी । (१०५।१)

आध्मानविषविच्छर्दिजत्रूर्ध्वश्वासहारिणी ॥ (१०५।२)

माधवीमाधवी चन्द्रवल्ली च सुगन्धा भ्रमरोत्सवा । (१०६।१)

भृङ्गप्रिया भद्रलता भूमिमण्डपभूषणी ॥ (१०६।२)

माधवी कटुका तिक्ता कषाया मदगन्धिका । (१०७।१)

पित्तकासव्रणान् हन्ति दाहशोषविनाशिनी ॥ (१०७।२)

गणिकारीगणिकारी काञ्चनिका काञ्चनपुष्पी वसन्तदूती च । (१०८।१)

गन्धकुसुमातिमोदा वासन्ती मदमादिनी चैव ॥ (१०८।२)

गणिकारी सुरभितरा त्रिदोषशमनी च दाहशोषहरा । (१०९।१)

कामक्रीडाडम्बरशम्बरहरचापलप्रसरा ॥ (१०९।२)

कुन्दकुन्दस् तु मकरन्दश् च महामोदो मनोहरः । (११०।१)

मुक्तापुष्पः सदापुष्पस् तारपुष्पो ऽट्टहासकः ॥ (११०।२)

दमनो वनहासश् च मनोज्ञो रुद्रसम्मितः ॥ (१११।१)

कुन्दो ऽतिमधुरः शीतः कषायः कैश्यभावनः । (११२।१)

कफपित्तहरश् चैव सरो दीपनपाचनः ॥ (११२।२)

बकबकः पाशुपतः शैवः शिवपिण्डश् च सुव्रतः । (११३।१)

वसुकश् च शिवाङ्कश् च शिवेष्टः क्रमपूरकः । (११३।२)

शिवमल्ली शिवाह्लादः शाम्भवो रविसंमितः ॥ (११३।३)

बको ऽतिशिशिरस् तिक्तो मधुरो मधुगन्धकः । (११४।१)

पित्तदाहकफश्वासश्रमहारी च दीपनः ॥ (११४।२)

केविकाकेविका कविका केवा भृङ्गारिर् नृपवल्लभा । (११५।१)

भृङ्गमारी महागन्धा राजकन्यालिमोहिनी ॥ (११५।२)

केविका मधुरा शीता दाहपित्तश्रमापहा । (११६।१)

वातश्लेष्मरुजां हन्त्री पित्तच्छर्दिविनाशिनी ॥ (११६।२)

बन्धूकबन्धूको बन्धुजीवः स्याद् ओष्ठपुष्पो ऽर्कवल्लभः । (११७।१)

मध्यंदिनो रक्तपुष्पो रागपुष्पो हरिप्रियः ॥ (११७।२)

असितसितपीतलोहितपुष्पविशेषाच्चतुर्विधो बन्धूकः । (११८।१)

बन्धूक:: मेदिच्। प्रोपेर्तिएस्ज्वरहारी विविधग्रहपिशाचशमनः प्रसादनः सवितुः स्यात् ॥ (११८।२)

त्रिसंधि:: स्य्नोन्य्म्स्त्रिसंधिः सांध्यकुसुमा सन्धिवल्ली सदाफला । (११९।१)

त्रिसन्ध्यकुसुमा कान्ता सुकुमारा च संधिजा ॥ (११९।२)

त्रिसंधि:: मेदिच्। प्रोपेर्तिएस्त्रिसन्धिस् त्रिविधा ज्ञेया रक्ता चान्या सितासिता । (१२०।१)

कफकासहरा रुच्या त्वग्दोषशमनी परा ॥ (१२०।२)

जपाजपाख्या ओड्रकाख्या च रक्तपुष्पी जवा च सा । (१२१।१)

अर्कप्रिया रक्तपुष्पी प्रातिका हरिवल्लभा ॥ (१२१।२)

जपा तु कटुर् उष्णा स्याद् इन्द्रलुप्तकनाशकृत् । (१२२।१)

विच्छर्दिजन्तुजननी सूर्याराधनसाधनी ॥ (१२२।२)

भ्रमरारिभ्रमरारिर् भृङ्गमारी भृङ्गारिर् मांसपुष्पिका । (१२३।१)

कुष्ठारिर् भ्रमरी चैव ज्ञेया यष्टिलता मुनिः ॥ (१२३।२)

तिक्ता भ्रमरमारी स्याद् वातश्लेष्मज्वरापहा । (१२४।१)

शोफकण्डूतिकुष्ठघ्नी व्रणदोषास्थिदोषनुत् ॥ (१२४।२)

तरुणीतरुणी सहा कुमारी गन्धाढ्या चारुकेसरा भृङ्गेष्टा । (१२५।१)

रामतरुणी तु सुदला बहुपत्त्रा भृङ्गवल्लभा च दशाह्वा ॥ (१२५।२)

तरुणी शिशिरा स्निग्धा पित्तदाहज्वरापहा । (१२६।१)

मधुरा मुखपाकघ्नी तृष्णाविच्छर्दिवारिणी ॥ (१२६।२)

तरुणी::राजतरुणीमहती तु राजतरुणी महासहा वर्ण्यपुष्पको ऽम्लानः । (१२७।१)

अमिलातकः सुपुष्पः सुवर्णपुष्पश् च सप्ताह्वः ॥ (१२७।२)

विज्ञेया राजतरुणी कषाया कफकारिणी । (१२८।१)

चक्षुष्या हर्षदा हृद्या सुरभिः सुरवल्लभा ॥ (१२८।२)

रक्ताम्लानअथ रक्ताम्लानः स्याद् रक्तसहाख्यः स चापरिम्लानः । (१२९।१)

रक्तामलान्तको ऽपि च रक्तप्रसवश् च कुरवकश् चैव ॥ (१२९।२)

रामालिङ्गनकामो रागप्रसवो मधूत्सवः प्रसवः । (१३०।१)

सुभगो भ्रमरानन्दः स्याद् इत्य् अयं पक्षचन्द्रमितः ॥ (१३०।२)

उष्णः कटुः कुरवको वातामयशोफनाशनो ज्वरनुत् । (१३१।१)

आध्मानशूलकासश्वासार्तिप्रशमनो वर्ण्यः ॥ (१३१।२)

पीताम्लानपीतः स किङ्किरातः पीताम्लानः कुरण्टकः कनकः । (१३२।१)

पीतकुरवः सुपीतः स पीतकुसुमश् च सप्तसंज्ञकः स्यात् ॥ (१३२।२)

किङ्किरातः कषायोष्णस् तिक्तश् च कफवातजित् । (१३३।१)

दीपनः शोफकण्डूतिरक्तत्वग्दोषनाशनः ॥ (१३३।२)

नीलाम्लाननीलपुष्पा तु सा दासी नीलाम्लानस् तु छादनः । (१३४।१)

बाला चार्तगला चैव नीलपुष्पा च षड्विधा ॥ (१३४।२)

आर्तगला कटुस् तिक्ता कफमारुतशूलनुत् । (१३५।१)

कण्डूकुष्ठव्रणान् हन्ति शोफत्वग्दोषनाशनी ॥ (१३५।२)

कण्टकरण्टकण्टकरण्टो झिण्टी सा वन्यसहचरी तु सा पीता । (१३६।१)

शोणी कुरवकनाम्नी कण्टकिनी शोणझिण्टिका चैव ॥ (१३६।२)

झिण्टी।:नीलझिण्टीसान्या तु नीलझिण्टी नीलकुरण्टश् च नीलकुसुमा च । (१३७।१)

बाणो बाणा दासी कण्टार्तगला च सप्तसंज्ञा स्यात् ॥ (१३७।२)

झिण्टिकाः कटुकास् तिक्ता दन्तामयशान्तिदाश् च शूलघ्नाः । (१३८।१)

वातकफशोफकासत्वग्दोषविनाशकारिण्यः ॥ (१३८।२)

उष्ट्रकाण्डीउष्ट्रकाण्डी रक्तपुष्पी ज्ञेया करभकाण्डिका । (१३९।१)

रक्ता लोहितपुष्पी च वर्णपुष्पी षडाह्वया ॥ (१३९।२)

उष्ट्रकाण्डी तु तिक्तोष्णा रुच्या हृद्रोगहारिणी । (१४०।१)

तद्बीजं मधुरं शीतं वृष्यं संतर्पणं स्मृतम् ॥ (१४०।२)

तगरतगरं कुटिलं वक्रं विनम्रं कुञ्चितं नतम् । (१४१।१)

शठं च नहुषाख्यं च दद्रुहस्तं च बर्हणम् ॥ (१४१।२)

पिण्डीतगरकं चैव पार्थिवं राजहर्षणम् । (१४२।१)

कालानुसारकं क्षत्रं दीनं जिह्मं मुनीन्दुधा ॥ (१४२।२)

तगरं शीतलं तिक्तं दृष्टिदोषविनाशनम् । (१४३।१)

विषार्तिशमनं पथ्यं भूतोन्मादभयापहम् ॥ (१४३।२)

दमनकअथ दमनकस् तु दमनो दान्तो गन्धोत्कटो मुनिर् जटिलः । (१४४।१)

दण्डी च पाण्डुरागो ब्रह्मजटा पुण्डरीकश् च ॥ (१४४।२)

तापसपत्त्रः पत्त्री पवित्रको देवशेखरश् चैव । (१४५।१)

कुलपत्त्रश् च विनीतस् तपस्विपत्त्रश् च सप्तधात्रीकः ॥ (१४५।२)

दमनः शीतलतिक्तः कषायकटुकश् च कुष्ठदोषहरः । (१४६।१)

द्वन्द्वत्रिदोषशमनो विषविस्फोटविकारहरणः स्यात् ॥ (१४६।२)

दमनक::वन्यदमनअन्यश् च वन्यदमनो वनादिनामा च दमनपर्यायः । (१४७।१)

वीर्यस्तम्भनकारी बलदायी चामदोषहारी च ॥ (१४७।२)

तुलसीतुलसी सुभगा तीव्रा पावनी विष्णुवल्लभा । (१४८।१)

सुरेज्या सुरसा ज्ञेया कायस्था सुरदुन्दुभी ॥ (१४८।२)

सुरभिर् बहुपत्त्री च मञ्जरी सा हरिप्रिया । (१४९।१)

अपेतराक्षसी श्यामा गौरी त्रिदशमञ्जरी । (१४९।२)

भूतघ्नी पूतपत्त्री च ज्ञेया चैकोनविंशतिः ॥ (१४९।३)

तुलसी कटुतिक्तोष्णा सुरभिः श्लेष्मवातजित् । (१५०।१)

जन्तुभूतक्रिमिहरा रुचिकृद् वातशान्तिकृत् ॥ (१५०।२)

कृष्णतुलसीकृष्णा तु कृष्णतुलसी श्वेता लक्ष्मीः सिताह्वया । (१५१।१)

कासवातक्रिमिवमिभूतापहारिणी पूता ॥ (१५१।२)

मरुवमरुवः खरपत्त्रस् तु गन्धपत्त्रः फणिञ्झकः । (१५२।१)

बहुवीर्यः शीतलकः सुराह्वश् च समीरणः ॥ (१५२।२)

जम्बीरः प्रस्थकुसुमो ज्ञेयो मरुवकस् तथा । (१५३।१)

आजन्मसुरभिपत्त्रो मरीचश् च त्रयोदश ॥ (१५३।२)

द्विधा मरुवकः प्रोक्तः श्वेतश् चैव सितेतरः । (१५४।१)

श्वेतो भेषजकार्ये स्याद् अपरः शिवपूजने ॥ (१५४।२)

मरुवः कटुतिक्तोष्णः कृमिकुष्ठविनाशनः । (१५५।१)

विड्बन्धाध्मानशूलघ्नो मान्द्यत्वग्दोषनाशनः ॥ (१५५।२)

अर्जकअर्जकः क्षुद्रतुलसी क्षुद्रपर्णो मुखार्जकः । (१५६।१)

उग्रगन्धश् च जम्बीरः कुठेरश् च कठिञ्जरः ॥ (१५६।२)

सितार्जकसितार्जकस् तु वैकुण्ठो वटपत्त्रः कुठेरकः । (१५७।१)

जम्बीरो गन्धबहुलः सुमुखः कटुपत्त्रकः ॥ (१५७।२)

कृष्णार्जककृष्णार्जकः कालमालो मालूकः कृष्णमालुकः । (१५८।१)

स्यात् कृष्णमल्लिका प्रोक्ता गरघ्नो वनबर्बरः ॥ (१५८।२)

त्रयो ऽर्जकाः कटूष्णाः स्युः कफवातामयापहाः । (१५९।१)

नेत्रामयहरा रुच्याः सुखप्रसवकारकाः ॥ (१५९।२)

वनबर्बरिकावनबर्बरिकान्या तु सुगन्धिः सुप्रसन्नकः । (१६०।१)

दोषोत्क्लेशी विषघ्नश् च सुमुखः सूक्ष्मपत्त्रकः । (१६०।२)

निद्रालुः शोफहारी च सुवक्त्रश् च दशाह्वयः ॥ (१६०।३)

वनबर्बरिका चोष्णा सुगन्धा कटुका च सा । (१६१।१)

पिशाचवान्तिभूतघ्नी घ्राणसंतर्पणी परा ॥ (१६१।२)

गङ्गापत्त्रीगङ्गापत्त्री तु पत्त्री स्यात् सुगन्धा गन्धपत्त्रिका । (१६२।१)

गङ्गापत्त्री कटूष्णा च वातजिद् व्रणरोपणी ॥ (१६२।२)

पाचीपाची मरकतपत्त्री हरितलता हरितपत्त्रिका पत्त्री । (१६३।१)

सुरभिर् मल्लारिष्टा गारुत्मतपत्त्रिका चैव ॥ (१६३।२)

पाची कटुतिक्तोष्णा सकषाया वातदोषहन्त्री च । (१६४।१)

ग्रहभूतविकारकारी त्वग्दोषप्रशमनी व्रणेषु हिता ॥ (१६४।२)

बालकबालकं वारिपर्यायैर् उक्तं ह्रीवेरकं तथा । (१६५।१)

केश्यं वज्रम् उदीच्यं च पिङ्गं च ललनाप्रियम् । (१६५।२)

बालं च कुन्तलोशीरं कचामोदं शशीन्दुधा ॥ (१६५।३)

बालकं शीतलं तिक्तं पित्तवान्तितृषापहम् । (१६६।१)

ज्वरकुष्ठातिसारघ्नं केश्यं श्वित्रव्रणापनुत् ॥ (१६६।२)

बर्बरबर्बरः सुमुखश् चैव गरघ्नः कृष्णबर्बरः । (१६७।१)

सुकन्दनो गन्धपत्त्रः पूतगन्धः सुरार्हकः ॥ (१६७।२)

बर्बरः कटुकोष्णश् च सुगन्धिर् वान्तिनाशनः । (१६८।१)

विसर्पविषविध्वंसी त्वग्दोषशमनस् तथा ॥ (१६८।२)

सुरपर्णसुरपर्णं देवपर्णं वीरपर्णं सुगन्धिकम् । (१६९।१)

मञ्चिपत्त्रं सूक्ष्मपत्त्रं देवार्हं गन्धपत्त्रकम् ॥ (१६९।२)

कटूष्णं सुरपर्णं च क्रिमिश्वासबलासजित् । (१७०।१)

दीपनं कफवातघ्नं वर्ण्यं बालहितं तथा ॥ (१७०।२)

आरामशीतलाआरामशीतला नन्दा शीतला सा सुनन्दिनी । (१७१।१)

रामा चैव महानन्दा गन्धाढ्यारामशीतला ॥ (१७१।२)

आरामशीतला तिक्ता शीतला पित्तहारिणी । (१७२।१)

दाहशोषप्रशमनी विस्फोटव्रणरोपणी ॥ (१७२।२)

पाथोजपाथोजं कमलं नभं च नलिनाम्भोजाम्बुजन्माम्बुजं श्रीपद्माम्बुरुहाब्जपद्मजलजान्य् अम्भोरुहं सारसम् । (१७३।१)

पङ्केजं सरसीरुहं च कुटपं पाथोरुहं पुष्करं वार्जं तामरसं कुशेशयकजे कञ्जारविन्दे तथा ॥ (१७३।२)

शतपत्त्रं बिसकुसुमं सहस्रपत्त्रं महोत्पलं वारिरुहम् । (१७४।१)

सरसिजसलिलजपङ्केरुहराजीवानि वेदवह्निमितानि ॥ (१७४।२)

कमलं शीतलं स्वादु रक्तपित्तश्रमार्तिनुत् । (१७५।१)

सुगन्धि भ्रान्तिसंतापशान्तिदं तर्पणं परम् ॥ (१७५।२)

पुण्डरीकपुण्डरीकं श्वेतपत्त्रं सिताब्जं श्वेतवारिजम् । (१७६।१)

हरिनेत्रं शरत्पद्मं शारदं शम्भुवल्लभम् ॥ (१७६।२)

पुण्डरीकं हिमं तिक्तं मधुरं पित्तनाशनम् । (१७७।१)

दाहास्रश्रमदोषघ्नं पिपासादोषनाशनम् ॥ (१७७।२)

कोकनदकोकनदम् अरुणकमलं रक्ताम्भोजं च शोणपद्मं च । (१७८।१)

रक्तोत्पलम् अरविन्दं रविप्रियं रक्तवारिजं वसवः ॥ (१७८।२)

कोकनदं कटुतिक्तं मधुरं शिशिरं च रक्तदोषहरम् । (१७९।१)

पित्तकफवातशमनं संतर्पणकारणं वृष्यम् ॥ (१७९।२)

उत्पलौत्पलं नीलकमलं नीलाब्जं नीलपङ्कजम् । (१८०।१)

नीलपद्मं च बाणाह्वं नीलादिकमलाभिधम् ॥ (१८०।२)

नीलाब्जं शीतलं स्वादु सुगन्धि पित्तनाशकृत् । (१८१।१)

रुच्यं रसायने श्रेष्ठं केश्यं च देहदार्ढ्यदम् ॥ (१८१।२)

ईषत् श्वेतं पद्मं नलिनं च तद् उक्तम् ईषद् आरक्तम् । (१८२।१)

उत्पलम् ईषन् नीलं त्रिविधम् इतीदं भवेत् कमलम् ॥ (१८२।२)

उत्पलादिर् अयं दाहरक्तपित्तप्रसादनः । (१८३।१)

पिपासादाहहृद् रोगछर्दिमूर्छाहरो गणः ॥ (१८३।२)

पद्मिनीपद्मिनी नलिनी प्रोक्ता कूटपिन्य् अब्जिनी तथा । (१८४।१)

इत्थं तत्पद्मपर्यायनाम्नी ज्ञेया प्रयोगतः ॥ (१८४।२)

पद्मिनी मधुरा तिक्ता कषाया शिशिरा परा । (१८५।१)

पित्तकृमिशोषवान्तिभ्रान्तिसंतापशान्तिकृत् ॥ (१८५।२)

पद्मबीजपद्मबीजं तु पद्माक्षं गालोड्यं कन्दली च सा । (१८६।१)

भेडा क्रौञ्चादनी क्रौञ्चा श्यामा स्यात् पद्मकर्कटी ॥ (१८६।२)

पद्मबीजं कटु स्वादु पित्तछर्दिहरं परम् । (१८७।१)

दाहास्रदोषशमनं पाचनं रुचिकारकम् ॥ (१८७।२)

मृणालमृणालं पद्मनालं च मृणाली च मृणालिनी । (१८८।१)

बिसं च पद्मतन्तुश् च बिसिनी नलिनीरुहम् ॥ (१८८।२)

मृणालं शिशिरं तिक्तं कषायं पित्तदाहजित् । (१८९।१)

मूत्रकृच्छ्रविकारघ्नं रक्तवान्तिहरं परम् ॥ (१८९।२)

पद्मकन्दपद्मकन्दस् तु शालूकं पद्ममूलं कटाह्वयम् । (१९०।१)

शालीनं च जलालूकं स्याद् इत्य् एवं षडाह्वयम् ॥ (१९०।२)

शालूकं कटु विष्टम्भि रूक्षं रुच्यं कफापहम् । (१९१।१)

कषायं कासपित्तघ्नं तृष्णादाहनिवारणम् ॥ (१९१।२)

किञ्जल्ककिञ्जल्कं मकरन्दं च केसरं पद्मकेसरम् । (१९२।१)

किञ्जं पीतं परागं च तुङ्गं चाम्पेयकं नव ॥ (१९२।२)

किञ्जल्कं मधुरं रूक्षं कटु चास्यव्रणापहम् । (१९३।१)

पित्तघ्नं शिशिरं रुच्यं तृष्णादाहनिवारणम् ॥ (१९३।२)

अनूष्णअनूष्णं चोत्पलं चैव रात्रिपुष्पं जलाह्वयम् । (१९४।१)

हिमाब्जं शीतजलजं निशाफुल्लं च सप्तधा ॥ (१९४।२)

उत्पलं शिशिरं स्वादु पित्तरक्तार्तिदोषनुत् । (१९५।१)

दाहश्रमवमिभ्रान्तिक्रिमिज्वरहरं परम् ॥ (१९५।२)

धवलोत्पलधवलोत्पलं तु कुमुदं कह्लारं कैरवं च शीतलकम् । (१९६।१)

शशिकान्तम् इन्दुकमलं चन्द्राब्जं चन्द्रिकाम्बुजं च नव ॥ (१९६।२)

कुमुदं शीतलं स्वादु पाके तिक्तं कफापहम् । (१९७।१)

रक्तदोषहरं दाहश्रमपित्तप्रशान्तिकृत् ॥ (१९७।२)

नीलोत्पलनीलोत्पलम् उत्पलकं कुवलयम् इन्दीवरं च कन्दोत्थम् । (१९८।१)

सौगन्धिकं सुगन्धं कुड्मलकं चासितोत्पलं नवधा ॥ (१९८।२)

नीलोत्पलम् अतिस्वादु शीतं सुरभि सौख्यकृत् । (१९९।१)

पाके तु तिक्तम् अत्यन्तं रक्तपित्तापहारकम् ॥ (१९९।२)

उत्पलिनीउत्पलिनी कैरविणी कुमुद्वती कुमुदिनी च चन्द्रेष्टा । (२००।१)

कुवलयिनीन्दीवरिणी नीलोत्पलिनी च विज्ञेया ॥ (२००।२)

उत्पलिनी हिमतिक्ता रक्तामयहारिणी च पित्तघ्नी । (२०१।१)

तापकफकासतृष्णाश्रमवमिशमनी च विज्ञेया ॥ (२०१।२)

पुष्पद्रवपुष्पद्रवः पुष्पसारः पुष्पस्वेदश् च पुष्पजः । (२०२।१)

पुष्पनिर्यासकश् चैव पुष्पाम्बुजः षडाह्वयः ॥ (२०२।२)

पुष्पद्रवः सुरभिशीतकषायगौल्यो दाहश्रमातिवमिमोहमुखामयघ्नः । (२०३।१)

तृष्णार्तिपित्तकफदोषहरः सरश् च संतर्पणश् चिरम् अरोचकहारकश् च ॥ (२०३।२)

जाती भाति मृदुर् मनोज्ञमधुरामोदा मुहूर्तद्वयं द्वैगुण्येन च मल्लिका मदकरी गन्धाधिका यूथिका । (२०४।१)

एकाहं नवमालिका मदकरं चाह्णां त्रयं चम्पकं तीव्रामोदम् अथाष्टवासरमितामोदान्विता केतकी ॥ (२०४।२)

इत्थं नानाप्रथितसुमनःपत्त्रपद्माभिधानसंस्थानोक्तिप्रगुणिततया तद्गुणाख्याप्रवीणम् । (२०५।१)

वाचोयुक्तिस्थिरपरिमलं वर्गम् एनं पठित्वा नित्यामोदैर् मुखसरसिजं वासयत्व् आशु वैद्यः ॥ (२०५।२)

स्थैर्ये शैलशिलोपमान्य् अपि शनैर् आसाद्य तद्भावनां भेद्यत्वं यमिनां मनांस्य् अपि ययुः पुष्पाशुगस्याशुगैः । (२०६।१)

तेषां भूषयतां सुरादिकशिरः पत्त्रप्रसूनात्मनां वर्गो ऽयं वसतिर् मता सुमनसाम् उत्तंसवर्गाख्यया ॥ (२०६।२)

लोकान् स्पर्शनयोगतः प्रसृमराण्य् आमोदयन्त्य् अञ्जसा प्रोत्फुल्लानि च यद् यशांसि विशदान्य् उत्तंसयन्ते दिशः । (२०७।१)

तस्यायं दशमः कृतौ स्थितिम् अगाद् वर्गो नृसिंहेशितुः सूरीन्दोः करवीरकादिर् अभिधासम्भारचूडामणौ ॥ (२०७।२)