पर्पटो जीवकश् चैवर्षभकः श्रावणी द्विधा । (१।१)

मेदाद्वयम् ऋद्धिवृद्धी धूम्रपत्त्रा प्रसारणी ॥ (१।२)

चतुष्पाषाणभेदः स्यात् कन्या बर्हिशिखा तथा । (२।१)

क्षीरिणीद्वितयं चैव त्रायमाणा रुदन्तिका ॥ (२।२)

ब्राह्मी द्विधा च वन्दाकः कुलत्था तण्डुलीयकः । (३।१)

चिविल्लो नागशुण्डी च कुटुम्बी स्थलपद्मिनी ॥ (३।२)

जम्बूश् च नागदन्ती च विष्णुक्रान्ता कुणञ्जरः । (४।१)

भूम्यामली च गोरक्षी गोलोमी दुग्धफेनिका ॥ (४।२)

क्षुद्राम्लिका च लज्जाह्वी हंसपादी च काथरा । (५।१)

पुनर्नवात्रयं प्रोक्तं वसुको द्विविधः स्मृतः ॥ (५।२)

सर्पिणी चालिर् मत्स्याक्षी गुण्डालावनिपाटली । (६।१)

स्यात् पाण्डुरफली श्वेता ब्रह्मदण्डी द्रवन्तिका ॥ (६।२)

द्रोणपुष्पीद्वयं चैव झण्डूर् गोरक्षदुग्धिका । (७।१)

नवबाणमिताः क्षुद्रक्षुपाः प्रोक्ता यथाक्रमात् ॥ (७।२)

पर्पटपर्पटश् चरको रेणुस् तृष्णारिः खरको रजः । (८।१)

शीतः शीतप्रियः पांशुः कल्पाङ्गी वर्मकण्टकः ॥ (८।२)

कृशशाखः पर्पटकः सुतिक्तो रक्तपुष्पकः । (९।१)

पित्तारिः कटुपत्त्रश् च कवचो ऽष्टादशाभिधः ॥ (९।२)

पर्पटः शीतलस् तिक्तः पित्तश्लेष्मज्वरापहः । (१०।१)

रक्तदाहारुचिग्लानिमदविभ्रमनाशनः ॥ (१०।२)

जीवकजीवको जीवनो जीव्यः शृङ्गाह्वः प्राणदः प्रियः । (११।१)

चिरजीवी च मधुरो मङ्गल्यः कूर्चशीर्षकः ॥ (११।२)

ह्रस्वाङ्गो वृद्धिदश् चोक्तो ह्य् आयुष्मान् जीवदस् तथा । (१२।१)

दीर्घायुर् बलदश् चैव नामान्य् एतानि षोडश ॥ (१२।२)

जीवको मधुरः शीतो रक्तपित्तानिलार्तिजित् । (१३।१)

क्षयदाहज्वरान् हन्ति शुक्रश्लेष्मविवर्धनः ॥ (१३।२)

ऋषभऋषभो गोपतिर् धीरो विषाणी धूर्द्धरो वृषः । (१४।१)

ककुद्मान् पुङ्गवो वोढा शृङ्गी धुर्यश् च भूपतिः ॥ (१४।२)

कामी ऋक्षप्रियश् चोक्षा लाङ्गुली गौश् च बन्धुरः । (१५।१)

गोरक्षो वनवासी च ज्ञेयो विंशतिनामकः ॥ (१५।२)

ऋषभो मधुरः शीतः पित्तरक्तविरेकनुत् । (१६।१)

शुक्रश्लेष्मकरो दाहक्षयज्वरहरश् च सः ॥ (१६।२)

श्रावणीश्रावणी स्यान् मुण्डितिका भिक्षुः श्रवणशीर्षिका । (१७।१)

श्रवणा च प्रव्रजिता परिव्राजी तपोधना ॥ (१७।२)

श्रावणी तु कषाया स्यात् कटूष्णा कफपित्तनुत् । (१८।१)

आमातीसारकासघ्नी विषच्छर्दिविनाशिनी ॥ (१८।२)

महाश्रावणिकामहाश्रावणिकान्या सा महामुण्डी च लोचनी । (१९।१)

कदम्बपुष्पी विकचा क्रोडचूडा पलङ्कषा ॥ (१९।२)

नदीकदम्बो मुण्डाख्या महामुण्डनिका च सा । (२०।१)

छिन्ना ग्रन्थिनिका माता स्थविरा लोभनी तथा । (२०।२)

भूकदम्बो ऽलम्बुषा स्याद् इति सप्तदशाह्वया ॥ (२०।३)

महामुण्ड्य् उष्णतिक्ता च ईषद् गौल्या मरुच्छिदा । (२१।१)

स्वरकृद् रोचनी चैव मेहहृच् च रसायनी ॥ (२१।२)

मेदामेदा वसा मणिच्छिद्रा जीवनी शल्यपर्णिका । (२२।१)

नखच्छेद्या हिमा रङ्गा मध्यदेशे प्रजायते ॥ (२२।२)

मेदःसारा स्नेहवती मेदिनी मधुरा वरा । (२३।१)

स्निग्धा मेदोद्रवा साध्वी शल्यदा बहुरन्ध्रिका । (२३।२)

ऊनविंशत्याह्वया सा मता पूरुषदन्तिका ॥ (२३।३)

मेदा तु मधुरा शीता पित्तदाहार्तिकासनुत् । (२४।१)

राजयक्ष्मज्वरहरा वातदोषकरी च सा ॥ (२४।२)

महामेदामहामेदा वसुच्छिद्रा जीवनी पांशुरागिणी । (२५।१)

देवेष्टा सुरमेदा च दिव्या देवमणिस् तथा ॥ (२५।२)

देवगन्धा महाच्छिद्रा ऋक्षार्हा रुद्रसंमिता । (२६।१)

महामेदाभिधः कन्दो लताजातः सुपाण्डुरः । (२६।२)

मेदापि शुक्लकन्दः स्यान् मेदोधातुम् इव स्रवेत् ॥ (२६।३)

महामेदा हिमा रुच्या कफशुक्रप्रवृद्धिकृत् । (२७।१)

हन्ति दाहास्रपित्तानि क्षयवातज्वरं च सा ॥ (२७।२)

ऋद्धिऋद्धिः सिद्धिः प्राणदा जीवदात्री सिद्धा योग्या चेतनीया रथाङ्गी । (२८।१)

मङ्गल्या स्याल् लोककान्ता यशस्या जीवश्रेष्ठा द्वादशाह्वा क्रमेण ॥ (२८।२)

वृद्धिवृद्धिस् तुष्टिः पुष्टिदा वृद्धिदात्री मङ्गल्या श्रीः सम्पद् आशीर् जनेष्टा । (२९।१)

लक्ष्मीर् भूतिर् मुत् सुखं जीवभद्रा स्याद् इत्य् एषा लोकसंज्ञा क्रमेण ॥ (२९।२)

ऋद्धिर् वृद्धिश् च कन्दौ द्वौ भवतः कोशयामले । (३०।१)

श्वेतरोमान्वितः कन्दो लताजातः सरन्ध्रकः ॥ (३०।२)

तूलग्रन्थिसमा ऋद्धिर् वामावर्तफला च सा । (३१।१)

वृद्धिस् तु दक्षिणावर्तफला प्रोक्ता महर्षिभिः ॥ (३१।२)

ऋद्धिर् वृद्धिश् च मधुरा सुस्निग्धा तिक्तशीतला । (३२।१)

रुचिमेधाकरी श्लेष्मक्रिमिकुष्ठहरा परा ॥ (३२।२)

प्रयोगेष्व् अनयोर् एकं यथालाभं प्रयोजयेत् । (३३।१)

यत्र द्वयानुसृष्टिः स्याद् द्वयम् अप्य् अत्र योजयेत् ॥ (३३।२)

धूम्रपत्त्राधूम्रपत्त्रा तु धूम्राह्वा सुलभा तु स्वयम्भुवा । (३४।१)

गृध्रपत्त्रा च गृध्राणी क्रिमिघ्नी स्त्रीमलापहा ॥ (३४।२)

धूम्रपत्त्रा रसे तिक्ता शोफघ्नी क्रिमिनाशिनी । (३५।१)

उष्णा कासहरा चैव रुच्या दीपनकारिणी ॥ (३५।२)

प्रसारणीप्रसारणी सुप्रसरा सारणी सरणी सरा । (३६।१)

चारुपर्णी राजबला भद्रपर्णी प्रतानिका ॥ (३६।२)

प्रबला राजपर्णी च बल्या भद्रबला तथा । (३७।१)

चन्द्रवल्ली प्रभद्रा च ज्ञेया पञ्चदशाह्वया ॥ (३७।२)

प्रसारणी गुरूष्णा च तिक्ता वातविनाशिनी । (३८।१)

अर्शःश्वयथुहन्त्री च मलविष्टम्भहारिणी ॥ (३८।२)

पाषाणभेदकपाषाणभेदको ऽश्मघ्नः शिलाभेदो ऽश्मभेदकः । (३९।१)

श्वेता चोपलभेदी च नगजिच् छिलिगर्भजा ॥ (३९।२)

पाषाणभेदो मधुरस् तिक्तो मेहविनाशनः । (४०।१)

तृड्दाहमूत्रकृच्छ्रघ्नः शीतलश् चाश्मरीहरः ॥ (४०।२)

वटपत्त्रीअन्या तु वटपत्त्री स्याद् अन्या चैरावती च सा । (४१।१)

गोधावतीरावती च श्यामा खट्वाङ्गनामिका ॥ (४१।२)

वटपत्त्री हिमा गौल्या मेहकृच्छ्रविनाशिनी । (४२।१)

बलदा व्रणहन्त्री च किंचिद् दीपनकारिणी ॥ (४२।२)

श्वेताअन्या श्वेता शिलावल्का शिलाजा शैलवल्कला । (४३।१)

वल्कला शैलगर्भाह्वा शिलात्वक् सप्तनामिका ॥ (४३।२)

शिलावल्कं हिमं स्वादु मेहकृच्छ्रविनाशनम् । (४४।१)

मूत्ररोधाश्मरीशूलक्षयपित्तापहारकम् ॥ (४४।२)

क्षुद्रपाषाणभेदक्षुद्रपाषाणभेदान्या चतुष्पत्त्री च पार्वती । (४५।१)

नागभूर् अश्मकेतुश् च गिरिभूः कन्दरोद्भवा ॥ (४५।२)

शैलोद्भवा च गिरिजा नगजा च दशाह्वया । (४६।१)

क्षुद्रपाषाणभेदा तु व्रणकृच्छ्राश्मरीहरा ॥ (४६।२)

गृहकन्यागृहकन्या कुमारी च कन्यका दीर्घपत्त्रिका । (४७।१)

स्थलेरुहा मृदुः कन्या बहुपत्त्रामराजरा ॥ (४७।२)

कण्टकप्रावृता वीरा भृङ्गेष्टा विपुलस्रवा । (४८।१)

ब्रह्मघ्नी तरुणी रामा कपिला चाम्बुधिस्रवा । (४८।२)

सुकण्टका स्थूलदलेत्य् एकविंशतिनामका ॥ (४८।३)

गृहकन्या हिमा तिक्ता मदगन्धिः कफापहा । (४९।१)

पित्तकासविषश्वासकुष्ठघ्नी च रसायनी ॥ (४९।२)

बर्हिचूडाबर्हिचूडा तु शिखिनी शिखालुः सुशिखा शिखा । (५०।१)

शिखाबला केकिशिखा मयूराद्यभिधा शिखा ॥ (५०।२)

बर्हिचूडा रसे स्वादुर् मूत्रकृच्छ्रविनाशिनी । (५१।१)

बालग्रहादिदोषघ्नी वश्यकर्मणि शस्यते ॥ (५१।२)

क्षीरिणीक्षीरिणी काञ्चनक्षीरी कर्षणी कटुपर्णिका । (५२।१)

तिक्तदुग्धा हैमवती हिमदुग्धा हिमावती ॥ (५२।२)

हिमाद्रिजा पीतदुग्धा यवचिञ्चा हिमोद्भवा । (५३।१)

हैमी च हिमजा चेति चतुरेकगुणाह्वया ॥ (५३।२)

क्षीरिणी कटुतिक्ता च रेचनी शोफतापनुत् । (५४।१)

क्रिमिदोषकफघ्नी च पित्तज्वरहरा च सा ॥ (५४।२)

स्वर्णक्षीरीस्वर्णक्षीरी स्वर्णदुग्धा स्वर्णाह्वा रुक्मिणी तथा । (५५।१)

सुवर्णा हेमदुग्धी च हेमक्षीरी च काञ्चनी ॥ (५५।२)

स्वर्णक्षीरी हिमा तिक्ता क्रिमिपित्तकफापहा । (५६।१)

मूत्रकृच्छ्राश्मरीशोफदाहज्वरहरा परा ॥ (५६।२)

त्रायमाणात्रायमाणा कृतत्राणा त्रायन्ती त्रायमाणिका । (५७।१)

बलभद्रा सुकामा च वार्षिकी गिरिजानुजा ॥ (५७।२)

मङ्गल्याह्वा देवबला पालनी भयनाशिनी । (५८।१)

अवनी रक्षणी त्राणा विज्ञेया षोडशाह्वया ॥ (५८।२)

त्रायन्ती शीतमधुरा गुल्मज्वरकफास्रनुत् । (५९।१)

भ्रमतृष्णाक्षयग्लानिविषच्छर्दिविनाशिनी ॥ (५९।२)

रुदन्तीस्याद् रुदन्ती स्रवत्तोया संजीवन्य् अमृतस्रवा । (६०।१)

रोमाञ्चिका महामांसी चणपत्त्री सुधास्रवा ॥ (६०।२)

रुदन्ती कटुतिक्तोष्णा क्षयक्रिमिविनाशिनी । (६१।१)

रक्तपित्तकफश्वासमेहहारी रसायनी ॥ (६१।२)

चणपत्त्रसमं पत्त्रं क्षुपं चैव तथाम्लकम् । (६२।१)

शिशिरे जलबिन्दूनां स्रवन्तीति रुदन्तिका ॥ (६२।२)

ब्राह्मीब्राह्मी सरस्वती सौम्या सुरश्रेष्ठा सुवर्चला । (६३।१)

कपोतवेगा वैधात्री दिव्यतेजा महौषधी ॥ (६३।२)

स्वायम्भुवी सोमलता सुरेज्या ब्रह्मकन्यका । (६४।१)

मण्डूकमाता मत्स्याक्षी मण्डूकी सुरसा तथा ॥ (६४।२)

मेध्या वीरा भारती च वरा च परमेष्ठिनी । (६५।१)

दिव्या च शारदी चेति चतुर्विंशतिनामका ॥ (६५।२)

ब्राह्मी हिमा कषाया च तिक्ता वातास्रपित्तजित् । (६६।१)

बुद्धिं प्रज्ञां च मेधां च कुर्याद् आयुष्यवर्धनी ॥ (६६।२)

लघुब्राह्मीब्राह्मी तु क्षुद्रपत्त्रान्या लघुब्राह्मी जलोद्भवा । (६७।१)

ब्राह्मी तिक्तरसोष्णा च सरा वातामशोफजित् ॥ (६७।२)

वन्दाकवन्दाकः पादपरुहा शिखरी तरुरोहिणी । (६८।१)

वृक्षादनी वृक्षरुहा कामवृक्षश् च शेखरी ॥ (६८।२)

केशरूपा तरुरुहा तरुस्था गन्धमेदिनी । (६९।१)

कामिनी तरुरुट् श्यामा द्रुपदी षोडशाभिधाः ॥ (६९।२)

वन्दाकस् तिक्तशिशिरः कफपित्तश्रमापहः । (७०।१)

वश्यादिसिद्धिदो वृष्यः कषायश् च रसायनः ॥ (७०।२)

कुलत्थाकुलत्था दृक्प्रसादा च ज्ञेयारण्यकुलत्थिका । (७१।१)

कुलाली लोचनहिता चक्षुष्या कुम्भकारिका ॥ (७१।२)

कुलत्थिका कटुस् तिक्ता स्याद् अर्शःशूलनाशनी । (७२।१)

विबन्धाध्मानशमनी चक्षुष्या व्रणरोपणी ॥ (७२।२)

तण्डुलीयतण्डुलीयस् तु भण्डीरस् तण्डुली तण्डुलीयकः । (७३।१)

ग्रन्थिलो बहुवीर्यश् च मेघनादो घनस्वनः ॥ (७३।२)

सुशाकः पथ्यशाकश् च स्फूर्जथुः स्वनिताह्वयः । (७४।१)

वीरस् तण्डुलनामा च पर्यायाश् च चतुर्दश ॥ (७४।२)

तण्डुलीयस् तु शिशिरो मधुरो विषनाशनः । (७५।१)

रुचिकृद् दीपनः पथ्यः पित्तदाहभ्रमापहः ॥ (७५।२)

चिविल्लिकाचिविल्लिका रक्तदला खरच्छदा स्यात् क्षुद्रघोली मधुमालपत्त्रिका । (७६।१)

चिविल्लिका चैव कटुः कषायिका ज्वरे ऽतिसारे च हिता रसायनी ॥ (७६।२)

हस्तिशुण्डीहस्तिशुण्डी महाशुण्डी शुण्डी घूसरपत्त्रिका । (७७।१)

हस्तिशुण्डी कटूष्णा स्यात् संनिपातज्वरापहा ॥ (७७।२)

कुटुम्बिनीकुटुम्बिनी पयस्या च क्षीरिणी जलकामुका । (७८।१)

वक्रशल्या दुराधर्षा क्रूरकर्मा झिरिण्टिका ॥ (७८।२)

शीता प्रहरजाया च शीतला च जलेरुहा । (७९।१)

विख्याता किल विद्वद्भिर् एषा द्वादशनामभिः ॥ (७९।२)

कुटुम्बिनी तु मधुरा ग्राहिणी कफपित्तनुत् । (८०।१)

व्रणास्रदोषकण्डूतिनाशनी सा रसायनी ॥ (८०।२)

स्थलपद्मीस्थलपद्मी तु पद्माह्वा चारटी पद्मचारिणी । (८१।१)

सुगन्धमूलाम्बुरुहा लक्ष्मीश्रेष्ठा सुपुष्करा ॥ (८१।२)

रम्या पद्मवती चातिचरा स्थूलरुहा स्मृता । (८२।१)

ज्ञेया पुष्करिणी चैव पुष्कराद्या च पर्णिका । (८२।२)

पुष्करादियुता नाडी प्रोक्ता पञ्चदशाह्वया ॥ (८२।३)

स्थलपद्मी:: मेदिच्। प्रोपेर्तिएस्स्थलादिपद्मिनी गौल्या तिक्ता शीता च वान्तिनुत् । (८३।१)

रक्तपित्तहरा मेहभूतातीसारनाशनी ॥ (८३।२)

जम्बूजम्बूर् जाम्बवती वृत्ता वृत्तपुष्पा च जाम्बवी । (८४।१)

मदघ्नी नागदमनी दुर्धर्षा दुःसहा नव ॥ (८४।२)

ज्ञेया जम्बूस् त्रिदोषघ्नी तीक्ष्णोष्णा कटुतिक्तका । (८५।१)

उदराध्मानदोषघ्नी कोष्ठशोधनकारिणी ॥ (८५।२)

नागदन्तीनागदन्ती श्वेतघण्टा मधुपुष्पा विशोधनी । (८६।१)

नागस्फोता विशालाक्षी नागच्छत्रा विचक्षणा ॥ (८६।२)

सर्पपुष्पी शुक्लपुष्पी स्वादुका शीतदन्तिका । (८७।१)

सितपुष्पी सर्पदन्ती नागिनी बाणभूमिता ॥ (८७।२)

नागदन्ती कटुस् तिक्ता रूक्षा वातकफापहा । (८८।१)

मेधाकृद् विषदोषघ्नी पाचनी शुभदायिनी । (८८।२)

गुल्मशूलोदरव्याधिकण्ठदोषनिकृन्तनी ॥ (८८।३)

विष्णुक्रान्ताविष्णुक्रान्ता हरिक्रान्ता नीलपुष्पापराजिता । (८९।१)

नीलक्रान्ता सतीना च विक्रान्ता छर्दिका च सा । (८९।२)

विष्णुक्रान्ता कटुस् तिक्ता कफवातामयापहा ॥ (८९।३)

कुणञ्जरकुणञ्जरः कुणञ्जी च कुणञ्जो ऽरण्यवास्तुकः । (९०।१)

कुणञ्जो मधुरो रुच्यो दीपनः पाचनो हितः ॥ (९०।२)

भूधात्रीभूम्यामली तमाली च ताली चैव तमालिका । (९१।१)

उच्चटा दृढपादी च वितुन्ना च वितुन्निका ॥ (९१।२)

भूधात्री चारुटा वृष्या विषघ्नी बहुपत्रिका । (९२।१)

बहुवीर्याहिभयदा विश्वपर्णी हिमालया । (९२।२)

जटा वीरा च नाम्नां सा भवेद् एकोनविंशतिः ॥ (९२।३)

भूधात्री तु कषायाम्ला पित्तमेहविनाशनी । (९३।१)

शिशिरा मूत्ररोगार्तिशमनी दाहनाशनी ॥ (९३।२)

गोरक्षीगोरक्षी सर्पदण्डी च दीर्घदण्डी सुदण्डिका । (९४।१)

चित्रला गन्धबहुला गोपाली पञ्चपर्णिका ॥ (९४।२)

गोरक्षी मधुरा तिक्ता शिशिरा दाहपित्तनुत् । (९५।१)

विस्फोटवान्त्यतीसारज्वरदोषविनाशनी ॥ (९५।२)

गोलोमिकागोलोमिका तु गोधूमी गोजा क्रोष्टुकपुच्छिका । (९६।१)

गोसम्भवा प्रस्तरिणी विज्ञेयेति षडाह्वया ॥ (९६।२)

गोलोमिका कटुस् तिक्ता त्रिदोषशमनी हिमा । (९७।१)

मूलरोगास्रदोषघ्नी ग्राहिणी दीपनी च सा ॥ (९७।२)

दुग्धफेनीदुग्धफेनी पयःफेनी फेनदुग्धा पयस्विनी । (९८।१)

लूतारिर् व्रणकेतुश् च गोजापर्णी च सप्तधा ॥ (९८।२)

दुग्धफेनी कटुस् तिक्ता शिशिरा विषनाशिनी । (९९।१)

व्रणापसारिणी रुच्या युक्त्या चैव रसायनी ॥ (९९।२)

क्षुद्राम्लिकाक्षुद्राम्लिका तु चाङ्गेरी चुक्राह्वा चुक्रिका च सा । (१००।१)

लोणाम्ला च चतुष्पर्णी लोणा लोडाम्लपत्रिका ॥ (१००।२)

अम्बष्ठाम्लवती चैव अम्ला दन्तशठा मता । (१०१।१)

शस्त्राङ्गा चाम्लपत्त्री च ज्ञेया पञ्चदशाह्वया ॥ (१०१।२)

क्षुद्राम्ली च रसे साम्ला सोष्णा सा वह्निवर्धनी । (१०२।१)

रुचिकृद् ग्रहणीदोषदुर्नामघ्नी कफापहा ॥ (१०२।२)

रक्तपादीरक्तपादी शमीपत्त्रा स्पृक्का खदिरपत्रिका । (१०३।१)

सङ्कोचनी समङ्गा च नमस्कारी प्रसारिणी ॥ (१०३।२)

लज्जालुः सप्तपर्णी स्यात् खदिरी गण्डमालिका । (१०४।१)

लज्जा च लज्जिका चैव स्पर्शलज्जास्ररोधनी ॥ (१०४।२)

रक्तमूला ताम्रमूला स्वगुप्ताञ्जलिकारिका । (१०५।१)

नाम्नां विंशतिर् इत्य् उक्ता लज्जायास् तु भिषग्वरैः ॥ (१०५।२)

रक्तपादी कटुः शीता पित्तातीसारनाशनी । (१०६।१)

शोफदाहश्रमश्वासव्रणकुष्ठकफास्रनुत् ॥ (१०६।२)

वैपरीत्यालज्जालुर् वैपरीत्यान्या अल्पक्षुपबृहद्दला । (१०७।१)

वैपरीत्या तु लज्जालुर् ह्य् अभिधाने प्रयोजयेत् ॥ (१०७।२)

लज्जालुर् वैपरीत्याह्वा कटुर् उष्णा कफामनुत् । (१०८।१)

रसो नियामको ऽत्यन्तनानाविज्ञानकारकः ॥ (१०८।२)

हंसपादीरक्तपाद्यपरा प्रोक्ता त्रिपदा हंसपादिका । (१०९।१)

घृतमण्डलिका ज्ञेया विश्वग्रन्थिस् त्रिपादिका ॥ (१०९।२)

विपादी कीटमारी च हेमपादी मधुस्रवा । (११०।१)

कर्णाटी ताम्रपत्त्री च विक्रान्ता सुवहा तथा ॥ (११०।२)

ब्रह्मादनी पदाङ्गी च शीताङ्गी सुतपादुका । (१११।१)

संचारिणी च पदिका प्रह्लादी कीलपादिका ॥ (१११।२)

गोधापदी च हंसाङ्घ्रिर् धार्त्तराष्ट्रपदी तथा । (११२।१)

हंसपादी च विज्ञेया नाम्ना चैषा शराक्षिधा ॥ (११२।२)

हंसपादी कटूष्णा स्यात् विषभूतविनाशिनी । (११३।१)

भ्रान्त्यपस्मारदोषघ्नी विज्ञेया च रसायनी ॥ (११३।२)

काथराकाथरा हयपर्यायैः काथरान्तैः प्रकीर्तिता । (११४।१)

अश्वकाथरिका तिक्ता वातघ्नी दीपनी परा ॥ (११४।२)

पुनर्नवापुनर्नवा विशाखश् च कठिल्लः शशिवाटिका । (११५।१)

पृथ्वी च सितवर्षाभूर् दीर्घपत्रः कठिल्लकः ॥ (११५।२)

श्वेता पुनर्नवा सोष्णा तिक्ता कफविषापहा । (११६।१)

कासहृद्रोगशूलास्रपाण्डुशोफानिलार्तिनुत् ॥ (११६।२)

रक्तपुनर्नवापुनर्नवान्या रक्ताख्या क्रूरा मण्डलपत्त्रिका । (११७।१)

रक्तकाण्डा वर्षकेतुर् लोहिता रक्तपत्त्रिका ॥ (११७।२)

वैशाखी रक्तवर्षाभूः शोफघ्नी रक्तपुष्पिका । (११८।१)

विकस्वरा विषघ्नी च प्रावृषेण्या च सारिणी ॥ (११८।२)

वर्षाभवः शोणपत्रः शोणः संमीलितद्रुमः । (११९।१)

पुनर्नवो नवो नव्यः स्याद् द्वाविंशतिसंज्ञया ॥ (११९।२)

रक्ता पुनर्नवा तिक्ता सारिणी शोफनाशिनी । (१२०।१)

दरदोषघ्नी पाण्डुपित्तप्रमर्दिनी ॥ (१२०।२)

नीलपुनर्नवानीला पुनर्नवा नीला श्यामा नीलपुनर्नवा । (१२१।१)

कृष्णाख्या नीलवर्षाभूर् नीलिनी स्वाभिधान्विता ॥ (१२१।२)

नीला पुनर्नवा तिक्ता कटूष्णा च रसायनी । (१२२।१)

हृद्रोगपाण्डुश्वयथुश्वासवातकफापहा ॥ (१२२।२)

वसुकवसुको ऽथ वसुः शैवो वसो ऽथ शिवमल्लिका । (१२३।१)

पाशुपतः शिवमतः सुरेष्टः शिवशेखरः । (१२३।२)

सितो रक्तो द्विधा प्रोक्तो ज्ञेयः स च नवाभिधः ॥ (१२३।३)

वसुकौ कटुतिक्तोष्णौ पाके शीतौ च दीपनौ । (१२४।१)

अजीर्णवातगुल्मघ्नौ श्वेतश् चैव रसायनः ॥ (१२४।२)

सर्पिणीसर्पिणी भुजगी भोगी कुण्डली पन्नगी फणी । (१२५।१)

षडभिधा सर्पिणी स्याद् विषघ्नी कुचवर्धनी ॥ (१२५।२)

वृश्चिकावृश्चिका नखपर्णी च पिच्छिलाप्यलिपत्त्रिका । (१२६।१)

वृश्चिका पिच्छलाम्ला स्याद् अन्त्रवृद्ध्यादिदोषनुत् ॥ (१२६।२)

ब्राह्मीब्राह्मी वयस्या मत्स्याक्षी मीनाक्षी सोमवल्लरी । (१२७।१)

मत्स्याक्षी शिशिरा रुच्या व्रणदोषक्षयापहा ॥ (१२७।२)

गुण्डालागुण्डाला तु जलोद्भूता गुच्छबुध्ना जलाशया । (१२८।१)

गुण्डाला कटुतिक्तोष्णा शोफव्रणविनाशनी ॥ (१२८।२)

भूपातलीभूपाटली च कुम्भी च भूताली रक्तपुष्पिका । (१२९।१)

भूपाटली कटूष्णा च पारदे सुप्रयोजिका ॥ (१२९।२)

पाटलीपाटली पाण्डुरफली धूसरा वृत्तबीजका । (१३०।१)

भूरिफली तथा पाण्डुफली स्यात् षड्विधाभिधा ॥ (१३०।२)

शिशिरा पाण्डुरफली गौल्या कृच्छ्रार्तिदोषहा । (१३१।१)

बल्या पित्तहरा वृष्या मूत्राघातनिवारणी ॥ (१३१।२)

श्वेताश्वेता तु छुरिकापत्त्री पर्वमूलाप्यविप्रिया । (१३२।१)

श्वेतातिमधुरा शीता स्तन्यदा रुचिकृत् परा ॥ (१३२।२)

ब्रह्मदण्डीब्रह्मदण्ड्य् अजलादण्डी कण्टपत्त्रफला च सा । (१३३।१)

ब्रह्मदण्डी कटूष्णा स्यात् कफशोफानिलापहा ॥ (१३३।२)

द्रवन्तीद्रवन्ती शाम्बरी चित्रा न्यग्रोधी शतमूलिका । (१३४।१)

प्रत्यक्श्रेणी वृषा चण्डा पत्त्रश्रेण्य् आखुकर्णिका ॥ (१३४।२)

मूषकाह्वादिका कर्णी प्रतिपर्णीशिफा सा । (१३५।१)

सहस्रमूली विक्रान्ता ज्ञेया स्याच् चतुरेकधा ॥ (१३५।२)

द्रवन्ती मधुरा शीता रसबन्धकरी परा । (१३६।१)

ज्वरघ्नी क्रिमिहा शूलशमनी च रसायनी ॥ (१३६।२)

द्रोणपुष्पीद्रोणपुष्पी दीर्घपत्त्रा कुम्भयोनिः कुतुम्बिका । (१३७।१)

चित्राक्षुपः कुतुम्बा च सुपुष्पा चित्रपत्त्रिका ॥ (१३७।२)

द्रोणपुष्पी कटुः सोष्णा रुच्या वातकफापहा । (१३८।१)

अग्निमान्द्यहरा चैव पथ्या वातापहारिणी ॥ (१३८।२)

महाद्रोणाअन्या चैव महाद्रोणा कुरुम्बा देवपूर्वका । (१३९।१)

दिव्यपुष्पा महाद्रोणी देवीकाण्डा षडाह्वया ॥ (१३९।२)

देवद्रोणी कटुस् तिक्ता मेध्या वातार्तिभूतनुत् । (१४०।१)

कफमान्द्यापहा चैव युक्त्या पारदशोधने ॥ (१४०।२)

झण्डूझण्डूः स्यात् स्थूलपुष्पा तु झण्डूको झेण्डुकस् तथा । (१४१।१)

झण्डूः कटुकषायः स्यात् ज्वरभूतग्रहापहा ॥ (१४१।२)

गोरक्षदुग्धीगोरक्षदुग्धी गोरक्षी ताम्रदुग्धी रसायनी । (१४२।१)

बहुपत्त्रा मृताजीवी मृतसंजीवनी मुनिः ॥ (१४२।२)

गोरक्षदुग्धी मधुरा वृष्या सा ग्राहिणी हिमा । (१४३।१)

सर्ववश्यकरी चैव रसे सिद्धिगुणप्रदा ॥ (१४३।२)

इत्थं वितत्य विशदीक्रियमाणनानाक्षुद्रक्षुपाह्वयगुणप्रगुणापवर्गम् । (१४४।१)

वर्गं विधाय मुखमण्डनम् एनम् उच्चैर् उच्चाटनाय च रुजां प्रभुरस् तु वैद्यः क्षुधं रान्ति जनस्योच्चैस् तस्मात् क्षुद्राः प्रकीर्तिताः । (१४४।२)

तेषां क्षुपाणां वर्गो ऽयम् आदाने धातुर् उच्यते ॥ (१४४।३)

धत्ते नित्यसमाधिसंस्तववशात् प्रीत्यार्चितेशार्पितां स्वात्मीयामृतहस्ततां किल सदा यः सर्वसंजीवनीम् । (१४५।१)

वर्गस् तस्य कृतौ नृसिंहकृतिनो यः पर्पटादिमहान् एष प्राञ्चति नामकाण्डपरिषच्चूडामणौ पञ्चमः ॥ (१४५।२)