1.2१.२प्रपद्ये देवमीशानं सर्वज्ञमपराजितम् । (१।२)
prapadye devamīśānaṃ sarvajñamaparājitam |
1.3१.३महादेवं महात्मानं विश्वस्य जगतः पतिम् ॥ (१।३)
mahādevaṃ mahātmānaṃ viśvasya jagataḥ patim ||
2.1२.१शक्तिरप्रतिघा यस्य ऐश्वर्यं चैव सर्वशः । (२।१)
śaktirapratighā yasya aiśvaryaṃ caiva sarvaśaḥ |
2.2२.२स्वामित्वं च विभुत्वं च स्वकृतानि प्रचक्षते ॥ (२।२)
svāmitvaṃ ca vibhutvaṃ ca svakṛtāni pracakṣate ||
3.1३.१तस्मै देवाय सोमाय प्रणम्य प्रयतः शुचिः । (३।१)
tasmai devāya somāya praṇamya prayataḥ śuciḥ |
3.2३.२पुराणाख्यानजिज्ञासोर्वक्ष्ये स्कन्दोद्भवं शुभम् ॥ (३।२)
purāṇākhyānajijñāsorvakṣye skandodbhavaṃ śubham ||
4.1४.१देहावतारो देवस्य रुद्रस्य परमात्मनः । (४।१)
dehāvatāro devasya rudrasya paramātmanaḥ |
4.2४.२प्राजापत्याभिषेकश्च हरणं शिरसस्तथा ॥ (४।२)
prājāpatyābhiṣekaśca haraṇaṃ śirasastathā ||
5.1५.१दर्शनं षट्कुलीयानां चक्रस्य च विसर्जनम् । (५।१)
darśanaṃ ṣaṭkulīyānāṃ cakrasya ca visarjanam |
5.2५.२नैमिषस्योद्भवश्चैव सत्त्रस्य च समापनम् ॥ (५।२)
naimiṣasyodbhavaścaiva sattrasya ca samāpanam ||
6.1६.१ब्रह्मणश्चागमस्तत्र तपसश्चरणं तथा । (६।१)
brahmaṇaścāgamastatra tapasaścaraṇaṃ tathā |
6.2६.२शर्वस्य दर्शनं चैव देव्याश्चैव समुद्भवः ॥ (६।२)
śarvasya darśanaṃ caiva devyāścaiva samudbhavaḥ ||
7.1७.१सत्या विवादश्च तथा दक्षशापस्तथैव च । (७।१)
satyā vivādaśca tathā dakṣaśāpastathaiva ca |
7.2७.२मेनायां च यथोत्पत्तिर्यथा देव्याः स्वयंवरम् ॥ (७।२)
menāyāṃ ca yathotpattiryathā devyāḥ svayaṃvaram ||
8.1८.१देवानां वरदानं च वसिष्ठस्य च धीमतः । (८।१)
devānāṃ varadānaṃ ca vasiṣṭhasya ca dhīmataḥ |
8.2८.२पराशरस्य चोत्पत्तिर्व्यासस्य च महात्मनः ॥ (८।२)
parāśarasya cotpattirvyāsasya ca mahātmanaḥ ||
9.1९.१वसिष्ठकौशिकाभ्यां च वैरोद्भवसमापनम् । (९।१)
vasiṣṭhakauśikābhyāṃ ca vairodbhavasamāpanam |
9.2९.२वाराणस्याश्च शून्यत्वं क्षेत्रमाहात्म्यवर्णनम् ॥ (९।२)
vārāṇasyāśca śūnyatvaṃ kṣetramāhātmyavarṇanam ||
10.1१०.१रुद्रस्य चात्र सांनिध्यं नन्दिनश्चाप्यनुग्रहः । (१०।१)
rudrasya cātra sāṃnidhyaṃ nandinaścāpyanugrahaḥ |
10.2१०.२गणानां दर्शनं चैव कथनं चाप्यशेषतः ॥ (१०।२)
gaṇānāṃ darśanaṃ caiva kathanaṃ cāpyaśeṣataḥ ||
11.1११.१कालीव्याहरणं चैव तपश्चरणमेव च । (११।१)
kālīvyāharaṇaṃ caiva tapaścaraṇameva ca |
11.2११.२सोमनन्दिसमाख्यानं वरदानं तथैव च ॥ (११।२)
somanandisamākhyānaṃ varadānaṃ tathaiva ca ||
12.1१२.१गौरीत्वं पुत्रलम्भश्च देव्या उत्पत्तिरेव च । (१२।१)
gaurītvaṃ putralambhaśca devyā utpattireva ca |
12.2१२.२कौशिक्या भूतमातृत्वं सिंहाश्च रथिनस्तथा ॥ (१२।२)
kauśikyā bhūtamātṛtvaṃ siṃhāśca rathinastathā ||
13.1१३.१गौर्याश्च निलयो विन्ध्ये विन्ध्यसूर्यसमागमः । (१३।१)
gauryāśca nilayo vindhye vindhyasūryasamāgamaḥ |
13.2१३.२अगस्त्यस्य च माहात्म्यं वधः सुन्दनिसुन्दयोः ॥ (१३।२)
agastyasya ca māhātmyaṃ vadhaḥ sundanisundayoḥ ||
14.1१४.१निसुम्भसुम्भनिर्याणं महिषस्य वधस्तथा । (१४।१)
nisumbhasumbhaniryāṇaṃ mahiṣasya vadhastathā |
14.2१४.२अभिषेकश्च कौशिक्या वरदानमथापि च ॥ (१४।२)
abhiṣekaśca kauśikyā varadānamathāpi ca ||
15.1१५.१अन्धकस्य तथोत्पत्तिः पृथिव्याश्चैव बन्धनम् । (१५।१)
andhakasya tathotpattiḥ pṛthivyāścaiva bandhanam |
15.2१५.२हिरण्याक्षवधश्चैव हिरण्यकशिपोस्तथा ॥ (१५।२)
hiraṇyākṣavadhaścaiva hiraṇyakaśipostathā ||
16.1१६.१बलिसंयमनं चैव देव्याः समय एव च । (१६।१)
balisaṃyamanaṃ caiva devyāḥ samaya eva ca |
16.2१६.२देवानां गमनं चैव अग्नेर्दूतत्वमेव च ॥ (१६।२)
devānāṃ gamanaṃ caiva agnerdūtatvameva ca ||
17.1१७.१देवानां वरदानं च शुक्रस्य च विसर्जनम् । (१७।१)
devānāṃ varadānaṃ ca śukrasya ca visarjanam |
17.2१७.२सुतस्य च तथोत्पत्तिर्देव्याश्चान्धकदर्शनम् ॥ (१७।२)
sutasya ca tathotpattirdevyāścāndhakadarśanam ||
18.1१८.१शैलादिदैत्यसम्मर्दो देव्याश्च शतरूपता । (१८।१)
śailādidaityasammardo devyāśca śatarūpatā |
18.2१८.२आर्यावरप्रदानं च शैलादिस्तव एव च ॥ (१८।२)
āryāvarapradānaṃ ca śailādistava eva ca ||
19.1१९.१देवस्यागमनं चैव वृत्तस्य कथनं तथा । (१९।१)
devasyāgamanaṃ caiva vṛttasya kathanaṃ tathā |
19.2१९.२पतिव्रतायाश्चाख्यानं गुरुशुश्रूषणस्य च ॥ (१९।२)
pativratāyāścākhyānaṃ guruśuśrūṣaṇasya ca ||
20.1२०.१आख्यानं पञ्चचूडायास् तेजसश् चाप्यधृष्यता । (२०।१)
ākhyānaṃ pañcacūḍāyās tejasaś cāpyadhṛṣyatā |
20.2२०.२दूतस्यागमनं चैव संवादो ऽथ विसर्जनम् ॥ (२०।२)
dūtasyāgamanaṃ caiva saṃvādo 'tha visarjanam ||
21.1२१.१अन्धकासुरसंवादो मन्दरागमनं तथा । (२१।१)
andhakāsurasaṃvādo mandarāgamanaṃ tathā |
21.2२१.२गणानामागमश्चैव संख्यानश्रवणं तथा ॥ (२१।२)
gaṇānāmāgamaścaiva saṃkhyānaśravaṇaṃ tathā ||
22.1२२.१निग्रहश्चान्धकस्याथ युद्धेन महता तथा । (२२।१)
nigrahaścāndhakasyātha yuddhena mahatā tathā |
22.2२२.२शरीरार्धप्रदानं च अशोकसुतसंग्रहः ॥ (२२।२)
śarīrārdhapradānaṃ ca aśokasutasaṃgrahaḥ ||
23.1२३.१भस्मसोमोद्भवश्चैव श्मशानवसतिस्तथा । (२३।१)
bhasmasomodbhavaścaiva śmaśānavasatistathā |
23.2२३.२रुद्रस्य नीलकण्ठत्वं तथायतनवर्णनम् ॥ (२३।२)
rudrasya nīlakaṇṭhatvaṃ tathāyatanavarṇanam ||
24.1२४.१उत्पत्तिर्यक्षराजस्य कुबेरस्य च धीमतः । (२४।१)
utpattiryakṣarājasya kuberasya ca dhīmataḥ |
24.2२४.२निग्रहो भुजगेन्द्राणां शिखरस्य च पातनम् ॥ (२४।२)
nigraho bhujagendrāṇāṃ śikharasya ca pātanam ||
25.1२५.१त्रैलोक्यस्य सशक्रस्य वशीकरणमेव च । (२५।१)
trailokyasya saśakrasya vaśīkaraṇameva ca |
25.2२५.२देवसेनाप्रदानं च सेनापत्याभिषेचनम् ॥ (२५।२)
devasenāpradānaṃ ca senāpatyābhiṣecanam ||
26.1२६.१नारदस्यागमश्चैव तारकप्रेषितस्य ह । (२६।१)
nāradasyāgamaścaiva tārakapreṣitasya ha |
26.2२६.२वधश्च तारकस्योग्रो यात्रा भद्रवटस्य च ॥ (२६।२)
vadhaśca tārakasyogro yātrā bhadravaṭasya ca ||
27.1२७.१महिषस्य वधश्चैव क्रौञ्चस्य च निबर्हणम् । (२७।१)
mahiṣasya vadhaścaiva krauñcasya ca nibarhaṇam |
27.2२७.२शक्तेरुद्धरणं चैव तारकस्य वधः शुभः ॥ (२७।२)
śakteruddharaṇaṃ caiva tārakasya vadhaḥ śubhaḥ ||
28.1२८.१देवासुरभयोत्पत्तिस्त्रैपुरं युद्धमेव च । (२८।१)
devāsurabhayotpattistraipuraṃ yuddhameva ca |
28.2२८.२प्रह्लादविग्रहश्चैव कृतघ्नाख्यानमेव च । (२८।२)
prahlādavigrahaścaiva kṛtaghnākhyānameva ca |
28.3२८.३महाभाग्यं ब्राह्मणानां विस्तरेण प्रकीर्त्यते ॥ (२८।३)
mahābhāgyaṃ brāhmaṇānāṃ vistareṇa prakīrtyate ||
29.1२९.१एतज् ज्ञात्वा यथावद्धि कुमारानुचरो भवेत् । (२९।१)
etaj jñātvā yathāvaddhi kumārānucaro bhavet |
29.2२९.२बलवान्मतिसम्पन्नः पुत्रं चाप्नोति संमतम् ॥ (२९।२)
balavānmatisampannaḥ putraṃ cāpnoti saṃmatam ||
Data courtesy of The Digital Corpus of Sanskrit.
