Sign in

रसाध्यायटीकाRasādhyāyaṭīkā

RAdhyṬ zu RAdhy, 206.2

37 of 81 · 13 verses

Select a line for its word-by-word analysis.

मृगस्य नेत्रे अकृष्णरसेनाभ्येते ॥ (१।०)

mṛgasya netre akṛṣṇarasenābhyete ||

नेत्रयोः पीडा नश्यति ॥ (२।०)

netrayoḥ pīḍā naśyati ||

अन्धचक्षुषि सिद्धरसाञ्जने कृतेऽन्धः पश्यति ॥ (३।०)

andhacakṣuṣi siddharasāñjane kṛte'ndhaḥ paśyati ||

तथा यस्य मुखे सिद्धरसगुटिका तिष्ठति तस्याकाशे गतिर् देवदानवगन्धर्वसिद्धयक्षखेचरैर् न हन्यते ॥ (४।०)

tathā yasya mukhe siddharasaguṭikā tiṣṭhati tasyākāśe gatir devadānavagandharvasiddhayakṣakhecarair na hanyate ||

तथा सिद्धरसे मुखे स्थिते विषेण न म्रियते ॥ (५।०)

tathā siddharase mukhe sthite viṣeṇa na mriyate ||

अग्निना न दह्यते ॥ (६।०)

agninā na dahyate ||

आकाशे सिद्धरसविद्यश्च भवति ॥ (७।०)

ākāśe siddharasavidyaśca bhavati ||

मृतो मूर्छितः सन् तत्क्षणाज्जीवति ॥ (८।०)

mṛto mūrchitaḥ san tatkṣaṇājjīvati ||

तथा मणिमन्त्रमहौषधेभ्यो ऽपि सिद्धरसस्य प्रभावातिशयो महीयान् ॥ (९।०)

tathā maṇimantramahauṣadhebhyo 'pi siddharasasya prabhāvātiśayo mahīyān ||

असौ मृतजीवनो नाम रसबन्धः कथितः ॥ (१०।०)

asau mṛtajīvano nāma rasabandhaḥ kathitaḥ ||

को ऽर्थः मृत इव मृतः ॥ (११।०)

ko 'rthaḥ mṛta iva mṛtaḥ ||

सर्पदंशवह्निदाहजलप्लावशस्त्रघातविषादिदुष्टप्रयोगैर् मूर्छितः यः केनापि जीवयितुं न शक्यते सो ऽपि मुखे क्षिप्तस्यास्य रसस्य प्रभावेण क्षणाद् एव जीवति ॥ (१२।०)

sarpadaṃśavahnidāhajalaplāvaśastraghātaviṣādiduṣṭaprayogair mūrchitaḥ yaḥ kenāpi jīvayituṃ na śakyate so 'pi mukhe kṣiptasyāsya rasasya prabhāveṇa kṣaṇād eva jīvati ||

इति जीर्णवज्रसूतस्य बन्धसंस्कारो द्वादशः ॥ (१३।०)

iti jīrṇavajrasūtasya bandhasaṃskāro dvādaśaḥ ||

Data courtesy of The Digital Corpus of Sanskrit.

Word analysis

Select a line of the text

Each word appears with its dictionary form and grammar. Select a word to read its meanings in the DCS, Apte and Monier-Williams dictionaries.

j k next and previous line · ← → chapters

Analysis: Digital Corpus of Sanskrit