RAdhyṬ zu RAdhy, 374.2
Select a line for its word-by-word analysis.
शोधितपारदस्य चत्वारो वल्लाः गन्धकवारिणा घटीद्वयं यदि क्षिप्यन्ते तदा भस्मीभवन्ति ॥ (१।०)
śodhitapāradasya catvāro vallāḥ gandhakavāriṇā ghaṭīdvayaṃ yadi kṣipyante tadā bhasmībhavanti ||
ततः शुद्धरूप्यस्य पत्राणि तेन भस्मना लिप्त्वा वज्रमूषायां तानि पत्राणि वङ्कलिधमन्या गाढं ध्मात्वा गालयेत् ॥ (२।०)
tataḥ śuddharūpyasya patrāṇi tena bhasmanā liptvā vajramūṣāyāṃ tāni patrāṇi vaṅkalidhamanyā gāḍhaṃ dhmātvā gālayet ||
ततोऽस्य कृष्णरूप्यस्य गद्याणाः ८ सर्वोत्तमनवकहेमगद्याणाः १२ उभयं विंशतिगद्याणका गाल्यन्ते पञ्चदशवर्णिकं हेम भवति ॥ (४।०)
tato'sya kṛṣṇarūpyasya gadyāṇāḥ 8 sarvottamanavakahemagadyāṇāḥ 12 ubhayaṃ viṃśatigadyāṇakā gālyante pañcadaśavarṇikaṃ hema bhavati ||
तथा शुद्धरसं कर्परे क्षिप्त्वाधो मृद्वग्निं ज्वालयेत् ॥ (५।०)
tathā śuddharasaṃ karpare kṣiptvādho mṛdvagniṃ jvālayet ||
एवमेकविंशतिदिनानि निरन्तरं गन्धकवारिणा सिक्तः सुसूतो निष्पद्यते बद्धः षोटश्च भवति ॥ (७।०)
evamekaviṃśatidināni nirantaraṃ gandhakavāriṇā siktaḥ susūto niṣpadyate baddhaḥ ṣoṭaśca bhavati ||
ततः पातालगरुडस्य पत्राणि वर्तयित्वा ततः पिण्डीं कृत्वा पिण्डिमध्ये षोटं च क्षिप्त्वा भूमौ कुक्कुटसंज्ञं पुटं देयम् ॥ (८।०)
tataḥ pātālagaruḍasya patrāṇi vartayitvā tataḥ piṇḍīṃ kṛtvā piṇḍimadhye ṣoṭaṃ ca kṣiptvā bhūmau kukkuṭasaṃjñaṃ puṭaṃ deyam ||
परं निर्धूमैर्ज्वलद्भिरंगारैस् तथा च कृते स षोटः पीतो भवति ततः शुद्धरूप्यस्य चतुःषष्टिगद्याणान् गालयित्वा षोटगद्याणको मध्ये क्षिप्यते सर्वोत्तमं हेम भवति यत एषा गन्धकद्रुतिपीठी चतुःषष्टिप्रवेधिका वर्तते ॥ (९।०)
paraṃ nirdhūmairjvaladbhiraṃgārais tathā ca kṛte sa ṣoṭaḥ pīto bhavati tataḥ śuddharūpyasya catuḥṣaṣṭigadyāṇān gālayitvā ṣoṭagadyāṇako madhye kṣipyate sarvottamaṃ hema bhavati yata eṣā gandhakadrutipīṭhī catuḥṣaṣṭipravedhikā vartate ||
Data courtesy of The Digital Corpus of Sanskrit.