RAdhyṬ zu RAdhy, 438.2
Select a line for its word-by-word analysis.
शुद्धरसस्य दश गद्याणान् वज्रमूषामध्ये प्रक्षिप्य तां मूषां वालुकायन्त्रे चटाय्य दिनमेकं मृद्वग्निं ज्वालयेत् ॥ (१।०)
śuddharasasya daśa gadyāṇān vajramūṣāmadhye prakṣipya tāṃ mūṣāṃ vālukāyantre caṭāyya dinamekaṃ mṛdvagniṃ jvālayet ||
उपरि भूनागसत्वस्य बिन्दुं बिन्दुं पुनः पुनः क्षिपेत् ॥ (२।०)
upari bhūnāgasatvasya binduṃ binduṃ punaḥ punaḥ kṣipet ||
ततो निसाहामतिसूक्ष्मां चिल्हां प्रपिष्य वस्त्रेण निश्चोत्य रसो ग्राह्यः ॥ (५।०)
tato nisāhāmatisūkṣmāṃ cilhāṃ prapiṣya vastreṇa niścotya raso grāhyaḥ ||
ततो यस्मिञ्जले पलं माति तावन्मात्रं कान्तपात्रमाकण्ठं पूरयित्वा कान्तपात्रं वालुकायन्त्रे चटायित्वाधो मृदुरग्निः पुनः पुनरहोरात्रं ज्वालनीयः ॥ (६।०)
tato yasmiñjale palaṃ māti tāvanmātraṃ kāntapātramākaṇṭhaṃ pūrayitvā kāntapātraṃ vālukāyantre caṭāyitvādho mṛduragniḥ punaḥ punarahorātraṃ jvālanīyaḥ ||
ततोऽभ्रकद्रुतिसूतयोर् ऐक्येण वाभ्रषोटो जायते ॥ (७।०)
tato'bhrakadrutisūtayor aikyeṇa vābhraṣoṭo jāyate ||
ततस्तं षोटं वज्रमूषायां प्रक्षिप्य गद्याणान् २० मध्ये प्रक्षिप्य गाढं गालयित्वा समुत्तारयेत् ॥ (८।०)
tatastaṃ ṣoṭaṃ vajramūṣāyāṃ prakṣipya gadyāṇān 20 madhye prakṣipya gāḍhaṃ gālayitvā samuttārayet ||
ततोऽयमक्षयो निर्मलस्तेजोवान् गदीयाणः क्षिप्यते ॥ (९।०)
tato'yamakṣayo nirmalastejovān gadīyāṇaḥ kṣipyate ||
असौ वंगे शतमध्ये वेधको रसः तथा यः सदा प्रभाते रतिमात्रं षोटं करोति ॥ (११।०)
asau vaṃge śatamadhye vedhako rasaḥ tathā yaḥ sadā prabhāte ratimātraṃ ṣoṭaṃ karoti ||
स षड्भिर्मासैरक्षयनीरोगदेहो जायते इति त्रिविधाभ्रकद्रुतिकर्माणि ॥ (१२।०)
sa ṣaḍbhirmāsairakṣayanīrogadeho jāyate iti trividhābhrakadrutikarmāṇi ||
Data courtesy of The Digital Corpus of Sanskrit.