RAdhyṬ zu RAdhy, 263.2
Select a line for its word-by-word analysis.
स्वभावेन मृतस्य भेकस्योदरं विदार्य स्फाटिकोज्ज्वलटङ्कणक्षारस्यातिसूक्ष्माः खोटांस् तत्र क्षिप्त्वा ततो घृततैलादिना दिग्ध्वा मध्ये स्थालि भेकं मुक्त्वोपरि प्रध्वरां ढङ्कणीयं दत्त्वा भूमिमध्ये स्थाली निखन्यते ॥ (१।०)
svabhāvena mṛtasya bhekasyodaraṃ vidārya sphāṭikojjvalaṭaṅkaṇakṣārasyātisūkṣmāḥ khoṭāṃs tatra kṣiptvā tato ghṛtatailādinā digdhvā madhye sthāli bhekaṃ muktvopari pradhvarāṃ ḍhaṅkaṇīyaṃ dattvā bhūmimadhye sthālī nikhanyate ||
षष्टिदिनैः पुनः स्थालीमाकृष्य मध्यात्सर्वं गृहीत्वा खरले पिष्ट्वा चूर्णं कार्यम् ॥ (२।०)
ṣaṣṭidinaiḥ punaḥ sthālīmākṛṣya madhyātsarvaṃ gṛhītvā kharale piṣṭvā cūrṇaṃ kāryam ||
ततः सर्वोत्तमं सुवर्णगद्याणकं गालयित्वा वल्लमात्रं भेकचूर्णं मध्ये क्षिप्यते ॥ (३।०)
tataḥ sarvottamaṃ suvarṇagadyāṇakaṃ gālayitvā vallamātraṃ bhekacūrṇaṃ madhye kṣipyate ||
ततस् तत् सुवर्णं पुनर्बन्धं नाप्नोति किंतु द्रवमेव तिष्ठति ॥ (४।०)
tatas tat suvarṇaṃ punarbandhaṃ nāpnoti kiṃtu dravameva tiṣṭhati ||
इयं च सुवर्णद्रुतिरेवं कान्तलोहे रूप्ये वङ्गे नागे ताम्रे च गद्याणमात्रे च गालिते वल्लमात्रं भेकचूर्णं क्षिप्यते ॥ (६।०)
iyaṃ ca suvarṇadrutirevaṃ kāntalohe rūpye vaṅge nāge tāmre ca gadyāṇamātre ca gālite vallamātraṃ bhekacūrṇaṃ kṣipyate ||
ततो द्रवरूपाणि सर्वाणि भवेयुस् तत्तन्नाम्नी च द्रुतिर् भवति ॥ (७।०)
tato dravarūpāṇi sarvāṇi bhaveyus tattannāmnī ca drutir bhavati ||
लोहद्रुतिः रूप्यद्रुतिः वङ्गद्रुतिः नागद्रुतिस् ताम्रद्रुतिश्चेति ॥ (८।०)
lohadrutiḥ rūpyadrutiḥ vaṅgadrutiḥ nāgadrutis tāmradrutiśceti ||
Data courtesy of The Digital Corpus of Sanskrit.