RAdhyṬ zu RAdhy, 357.2
Select a line for its word-by-word analysis.
इह प्रथमं वर्त्तुलाकारां मूषां कृत्वोपरि गोस्तनाकारं नालं च कृत्वा वज्रमूषा विधेया ॥ (१।०)
iha prathamaṃ varttulākārāṃ mūṣāṃ kṛtvopari gostanākāraṃ nālaṃ ca kṛtvā vajramūṣā vidheyā ||
ततो येन सूतेन पूर्वोक्तयुक्त्या दशगुणं गन्धकतैलं जीर्णं ततो हेमराजिकर्षश्च जीर्णं तं रसं वज्रमूषायां क्षिप्त्वोपरि कङ्गुणीतैलं तथा क्षिपेद्यथा स पारदो ब्रुडति ॥ (२।०)
tato yena sūtena pūrvoktayuktyā daśaguṇaṃ gandhakatailaṃ jīrṇaṃ tato hemarājikarṣaśca jīrṇaṃ taṃ rasaṃ vajramūṣāyāṃ kṣiptvopari kaṅguṇītailaṃ tathā kṣipedyathā sa pārado bruḍati ||
ततः सा मूषाग्निष्टके मुक्त्वा इङ्गालैर् ध्मातव्या ॥ (३।०)
tataḥ sā mūṣāgniṣṭake muktvā iṅgālair dhmātavyā ||
तथा यावन्मात्रः मूषायामस्ति तावन्मात्रां हेमराजिं मूषायां गालयित्वा वज्रमूषास्थरसमध्ये क्षिपेत् ॥ (४।०)
tathā yāvanmātraḥ mūṣāyāmasti tāvanmātrāṃ hemarājiṃ mūṣāyāṃ gālayitvā vajramūṣāstharasamadhye kṣipet ||
ततः सहस्रवेधी षोटो भवति स च संग्राह्यः ॥ (५।०)
tataḥ sahasravedhī ṣoṭo bhavati sa ca saṃgrāhyaḥ ||
तथा तारस्य ताम्रस्यादिशब्दाद्वङ्गस्य च गद्याणसहस्रकं पृथक् पृथक् मूषायां गालयित्वा सहस्रवेधितस्यैकैको गद्याणकः पृथक् पृथक् सर्वषोटमध्ये क्षिप्यते सर्वाणि तारादीनि पृथक् हेम भवन्ति ॥ (६।०)
tathā tārasya tāmrasyādiśabdādvaṅgasya ca gadyāṇasahasrakaṃ pṛthak pṛthak mūṣāyāṃ gālayitvā sahasravedhitasyaikaiko gadyāṇakaḥ pṛthak pṛthak sarvaṣoṭamadhye kṣipyate sarvāṇi tārādīni pṛthak hema bhavanti ||
Data courtesy of The Digital Corpus of Sanskrit.