RAdhyṬ zu RAdhy, 312.2
Select a line for its word-by-word analysis.
केतकीनां स्तनान्निसाहायां जलं विनैव गाढं वर्तयित्वा वस्त्रेण च गालित्वा रसो ग्राह्यः ॥ (१।०)
ketakīnāṃ stanānnisāhāyāṃ jalaṃ vinaiva gāḍhaṃ vartayitvā vastreṇa ca gālitvā raso grāhyaḥ ||
ततस्तेन रसेन मनःशिलां वर्तयित्वा तया हीरकान् संवेष्ट्य वज्रमूषामध्ये क्षिप्त्वाग्निना तां वज्रमूषां ध्मात्वाग्निवर्णं कृत्वार्कदुग्धेन विध्यापयेत् ॥ (२।०)
tatastena rasena manaḥśilāṃ vartayitvā tayā hīrakān saṃveṣṭya vajramūṣāmadhye kṣiptvāgninā tāṃ vajramūṣāṃ dhmātvāgnivarṇaṃ kṛtvārkadugdhena vidhyāpayet ||
ततः पुनरपि केतकीस्तनरसवर्तितमनःशिलया वज्राणि वेष्टयित्वा वज्रमूषायां क्षिप्त्वा ध्मात्वा चार्कदुग्धेन विध्यापयेत् एवं पुनःपुनः सप्तवेलं कृते वज्राणि भस्मीभवन्ति ॥ (३।०)
tataḥ punarapi ketakīstanarasavartitamanaḥśilayā vajrāṇi veṣṭayitvā vajramūṣāyāṃ kṣiptvā dhmātvā cārkadugdhena vidhyāpayet evaṃ punaḥpunaḥ saptavelaṃ kṛte vajrāṇi bhasmībhavanti ||
Data courtesy of The Digital Corpus of Sanskrit.