RAdhyṬ zu RAdhy, 413.2
Select a line for its word-by-word analysis.
व्याघ्रमदनाख्यकोद्रवानां सेतिकां पिष्ट्वा तन्मध्यान्माणकद्वयं सुसूक्ष्मचूर्णमादाय स्थाल्यां क्षिप्त्वोपरि कांजिकं तथा जलं चाकण्ठं क्षिपेत् ॥ (१।०)
vyāghramadanākhyakodravānāṃ setikāṃ piṣṭvā tanmadhyānmāṇakadvayaṃ susūkṣmacūrṇamādāya sthālyāṃ kṣiptvopari kāṃjikaṃ tathā jalaṃ cākaṇṭhaṃ kṣipet ||
तच्च सप्तभिर्दिनैर् अत्यम्लं भवति तथानेन विधिना शेषमाणद्वयेनात्यर्थम् अम्लं जलं कृत्वा एकशः कार्यम् ॥ (२।०)
tacca saptabhirdinair atyamlaṃ bhavati tathānena vidhinā śeṣamāṇadvayenātyartham amlaṃ jalaṃ kṛtvā ekaśaḥ kāryam ||
ततः श्वेताभ्रकमणचूर्णं तेनाम्लजलेन सहोलूखले याममेकं कुट्टयित्वा तस्मिन्नेव जले ब्रूडत् २१ दिनानि राहयित्वा पश्चादातपे शोषयित्वा ततो रालाटंकणक्षारौ लवणं कणगुग्गुलुश्चेति चतुर्णामौषधानां प्रत्येकमणचतुर्थांशं तथा तिलस्य गद्याणान् २० गुडस्य गद्याणान् २० वल्लपीठीपाली १ मधुकर्षः १ दुग्धकर्षः १ एतत्सर्वमेकत्र कृत्वा धान्याभ्रकेण सह मुहुर्मुहुः क्षोदयित्वा गद्याणकदशकमात्राः अनेकपूपाः कृत्वा राक्षसे यन्त्रे ऽङ्गारान् क्षिप्त्वा एकां पूपां मुञ्चेत् ॥ (३।०)
tataḥ śvetābhrakamaṇacūrṇaṃ tenāmlajalena saholūkhale yāmamekaṃ kuṭṭayitvā tasminneva jale brūḍat 21 dināni rāhayitvā paścādātape śoṣayitvā tato rālāṭaṃkaṇakṣārau lavaṇaṃ kaṇagugguluśceti caturṇāmauṣadhānāṃ pratyekamaṇacaturthāṃśaṃ tathā tilasya gadyāṇān 20 guḍasya gadyāṇān 20 vallapīṭhīpālī 1 madhukarṣaḥ 1 dugdhakarṣaḥ 1 etatsarvamekatra kṛtvā dhānyābhrakeṇa saha muhurmuhuḥ kṣodayitvā gadyāṇakadaśakamātrāḥ anekapūpāḥ kṛtvā rākṣase yantre 'ṅgārān kṣiptvā ekāṃ pūpāṃ muñcet ||
ततः स्वयं शीतलाः पूपाः समुद्धृत्य तासां मध्याद् धान्याभ्रकसंभवा द्रुतिर्ग्राह्या ॥ (६।०)
tataḥ svayaṃ śītalāḥ pūpāḥ samuddhṛtya tāsāṃ madhyād dhānyābhrakasaṃbhavā drutirgrāhyā ||
अनया युक्त्या सुखेनापि धान्याभ्रकद्रुतिर्भवति ॥ (७।०)
anayā yuktyā sukhenāpi dhānyābhrakadrutirbhavati ||
Data courtesy of The Digital Corpus of Sanskrit.