वैशेषिकसूत्रवृत्तिVaiśeṣikasūtravṛtti
VaiSūVṛ zu VaiśSū, 2, 1, 24
Select a line for its word-by-word analysis.
इह ये स्पर्शवतां विशेषगुणा एकैकेन्द्रियग्राह्यास्ते कारणगुणैः कार्ये निष्पाद्यन्ते ॥ (१।०)
iha ye sparśavatāṃ viśeṣaguṇā ekaikendriyagrāhyāste kāraṇaguṇaiḥ kārye niṣpādyante ||
न च भेर्यवयवेषु रूपादय इव कश्चिच्छब्दभागः समवेत उपलभ्यते ॥ (२।०)
na ca bheryavayaveṣu rūpādaya iva kaścicchabdabhāgaḥ samaveta upalabhyate ||
तस्मादकारणगुणपूर्वत्वान्न भेर्यादेः स्पर्शवतो विशेषगुणः शब्दः ॥ (३।०)
tasmādakāraṇaguṇapūrvatvānna bheryādeḥ sparśavato viśeṣaguṇaḥ śabdaḥ ||
यश्च स्पर्शवतो विशेषगुणः स कार्ये यावत्कार्यमुपलभ्यमानो दृष्टः ॥ (४।०)
yaśca sparśavato viśeṣaguṇaḥ sa kārye yāvatkāryamupalabhyamāno dṛṣṭaḥ ||
किंच स्पर्शवद्विशेषगुण आरब्धे कार्ये कारणगुणैरारभ्यते न च यदा शब्देन शब्द आरभ्यते तदा किंचित् कार्यमुत्पन्नं पश्यामः ॥ (६।०)
kiṃca sparśavadviśeṣaguṇa ārabdhe kārye kāraṇaguṇairārabhyate na ca yadā śabdena śabda ārabhyate tadā kiṃcit kāryamutpannaṃ paśyāmaḥ ||
तस्मात् कार्यान्तराप्रादुर्भावाच्च न शब्दः स्पर्शवतो विशेषगुण इति ॥ (७।०)
tasmāt kāryāntarāprādurbhāvācca na śabdaḥ sparśavato viśeṣaguṇa iti ||
Data courtesy of The Digital Corpus of Sanskrit.