वैशेषिकसूत्रवृत्तिVaiśeṣikasūtravṛtti
VaiSūVṛ zu VaiśSū, 5, 2, 1
Select a line for its word-by-word analysis.
समस्तान् व्यस्तांश्च गुरुत्वद्रवत्ववेगप्रयत्नानपेक्षमाणो यः संयोगविशेषो नोदनात् प्रेरणाद् अविभागहेतोः कर्मणः कारणं तन्नोदनम् तथाहि पादादिभिर् नुद्यमानायां पङ्काख्यायां पृथिव्यां कर्म जायते ॥ (१।०)
samastān vyastāṃśca gurutvadravatvavegaprayatnānapekṣamāṇo yaḥ saṃyogaviśeṣo nodanāt preraṇād avibhāgahetoḥ karmaṇaḥ kāraṇaṃ tannodanam tathāhi pādādibhir nudyamānāyāṃ paṅkākhyāyāṃ pṛthivyāṃ karma jāyate ||
वेगापेक्षोऽभिघाताद् अभिहन्यमानस्य विभागहेतोः कर्मणः कारणं संयोगोऽभिघातः तथाहि रथादिभिरभिघातात् पृथिव्येकदेशेषु दृश्यते कर्म ॥ (२।०)
vegāpekṣo'bhighātād abhihanyamānasya vibhāgahetoḥ karmaṇaḥ kāraṇaṃ saṃyogo'bhighātaḥ tathāhi rathādibhirabhighātāt pṛthivyekadeśeṣu dṛśyate karma ||
संयुक्तसंयोगाच्च नुद्यमानाभिहन्यमानाभ्यां च संयुक्तेषु भवन्ति कर्माणि ॥ (३।०)
saṃyuktasaṃyogācca nudyamānābhihanyamānābhyāṃ ca saṃyukteṣu bhavanti karmāṇi ||
Data courtesy of The Digital Corpus of Sanskrit.