वैशेषिकसूत्रवृत्तिVaiśeṣikasūtravṛtti
VaiSūVṛ zu VaiśSū, 2, 2, 6
Select a line for its word-by-word analysis.
तत्र परेण दिवप्रदेशेन संयुक्ते यूनि परत्वज्ञाने जाते स्थविरे चापरेण दिक्प्रदेशेन संयुक्तेऽपरत्वज्ञानोत्पत्तौ कृष्णकेशादिवलीपलितादिपर्यालोचनया येन निमित्तेन यूनि अपरत्वज्ञानं स्थविरे च परत्वज्ञानं जायते स कालः ॥ (२।०)
tatra pareṇa divapradeśena saṃyukte yūni paratvajñāne jāte sthavire cāpareṇa dikpradeśena saṃyukte'paratvajñānotpattau kṛṣṇakeśādivalīpalitādiparyālocanayā yena nimittena yūni aparatvajñānaṃ sthavire ca paratvajñānaṃ jāyate sa kālaḥ ||
तथा तुल्यकार्येषु कर्तृषु युगपत् कुर्वन्ति अयुगपत्कुर्वन्ति इति यतः प्रत्ययो जायते स कालः ॥ (३।०)
tathā tulyakāryeṣu kartṛṣu yugapat kurvanti ayugapatkurvanti iti yataḥ pratyayo jāyate sa kālaḥ ||
तथैकं क्रियाफलमुद्दिश्य ओदनाख्यं भूयसीनामधिश्रयणादिक्रियाणां प्रबन्धप्रवृत्तौ तुल्ये कर्तरि चिरमद्य कृतम् क्षिप्रम् अद्य कृतम् इति यतः प्रत्ययौ भवतः स काल इति ॥ (४।०)
tathaikaṃ kriyāphalamuddiśya odanākhyaṃ bhūyasīnāmadhiśrayaṇādikriyāṇāṃ prabandhapravṛttau tulye kartari ciramadya kṛtam kṣipram adya kṛtam iti yataḥ pratyayau bhavataḥ sa kāla iti ||
तस्य गुणाः संख्यापरिमाणपृथक्त्वसंयोगविभागाः ॥ (५।०)
tasya guṇāḥ saṃkhyāparimāṇapṛthaktvasaṃyogavibhāgāḥ ||
Data courtesy of The Digital Corpus of Sanskrit.