वैशेषिकसूत्रवृत्तिVaiśeṣikasūtravṛtti
VaiSūVṛ zu VaiśSū, 2, 2, 1
Select a line for its word-by-word analysis.
1.0१.०
पुष्पेण खलु संयुक्ते वस्त्रे न पुष्पगन्धेन गन्ध आरभ्यते वस्त्रगन्धस्यापि सम्भवात् पुष्पवस्त्रगन्धाभ्यां द्वाभ्यां विलक्षणं गन्धान्तरमुपजनितमुपलभेमहि न चैवम् अपि तु पुष्पगन्धम् एवोपलभामहे ॥ (१।०)
puṣpeṇa khalu saṃyukte vastre na puṣpagandhena gandha ārabhyate vastragandhasyāpi sambhavāt puṣpavastragandhābhyāṃ dvābhyāṃ vilakṣaṇaṃ gandhāntaramupajanitamupalabhemahi na caivam api tu puṣpagandham evopalabhāmahe ||
2.0२.०
तस्मात् अनारब्धे कार्ये पुष्पगन्धेन गन्ध आरभ्यते इत्ययुक्तम् गन्धान्तरप्रसङ्गात् ॥ (२।०)
tasmāt anārabdhe kārye puṣpagandhena gandha ārabhyate ityayuktam gandhāntaraprasaṅgāt ||
Data courtesy of The Digital Corpus of Sanskrit.