महाबन्धमाह हेम्ना वेति ॥ (१।०)

अत्र हेम चतुर्थांशम् अर्धांशं वा ग्राह्यम् ॥ (२।०)

रजतमपि तथैव ॥ (३।०)

बन्धौषधिलिप्तवज्रमूषामध्ये तयोर् अन्यतरेण युक्तो ध्मातोऽग्निबद्ध एव पारदो वक्ष्यमाणलक्षणविशिष्टः सुसंस्कृतकृतसंज्ञां महाबन्धसंज्ञां च लभते ॥ (४।०)

तान्येव लक्षणान्य् आह ध्मातो व्रजत्येकताम् इत्यादिना ॥ (५।०)

पटुवत् ॥ (६।०)

सैन्धवतुल्यं चूर्णत्वं याति ॥ (७।०)

निहतः संद्रवति ॥ (८।०)

अग्नियोगादिति शेषः ॥ (९।०)