रसरत्नसमुच्चयटीकाRasaratnasamuccayaṭīkā
RRSṬīkā zu RRS, 5, 78.2
Select a line for its word-by-word analysis.
अतो बोधार्थं तत्पर्यायान् आह अङ्गछाया च वङ्गं चिकुरं च इति पोगरस्याभिधात्रयं नामत्रयम् अस्ति ॥ (३।०)
ato bodhārthaṃ tatparyāyān āha aṅgachāyā ca vaṅgaṃ cikuraṃ ca iti pogarasyābhidhātrayaṃ nāmatrayam asti ||
एवं च नामान्येतानि विशिष्टाकारतेजस इत्यर्थः ॥ (४।०)
evaṃ ca nāmānyetāni viśiṣṭākāratejasa ityarthaḥ ||
वङ्गस्येव रेखानां श्वेतच्छायात्वाद् वङ्गमिति संज्ञा ॥ (५।०)
vaṅgasyeva rekhānāṃ śvetacchāyātvād vaṅgamiti saṃjñā ||
कान्तीनां चिकुराकारत्वात् केशाकारत्वाच्चिकुरम् इत्यपि नाम ॥ (६।०)
kāntīnāṃ cikurākāratvāt keśākāratvāccikuram ityapi nāma ||
यद् उक्तम् एव खरलोहं तद्यदि लोहाद्भङ्गुरं लोहमयघनघातेन भङ्गुरं भवति परंतु पोगरं पोगरविशिष्टं दृश्येत तर्हि तत् खरलोहम् अपि परमुत्तमं मतम् ॥ (७।०)
yad uktam eva kharalohaṃ tadyadi lohādbhaṅguraṃ lohamayaghanaghātena bhaṅguraṃ bhavati paraṃtu pogaraṃ pogaraviśiṣṭaṃ dṛśyeta tarhi tat kharaloham api paramuttamaṃ matam ||
Data courtesy of The Digital Corpus of Sanskrit.