अथोद्देशक्रमप्राप्तं हिङ्गुलं वर्णयति हिङ्गुल इति ॥ (१।०)

अयं रसः पारदखनिजमृद्विशेषः ॥ (२।०)

अत एव प्रथमाध्याय उक्तम् । (३।१)

तां मृदं पातनायन्त्रे पातयन्ति रसं ततः । (३।२)

इति ॥ (३।३)

कृत्रिमोऽपि लोके दृश्यते पारदगन्धकनवसागरपाकजन्यः ॥ (४।०)

खनिजोऽयं द्विविधः ॥ (५।०)

तस्य चोत्तमस्य लक्षणमाह श्वेतरेष इति ॥ (६।०)

स च हंसपाक इति नाम्ना कथितः पाकेन व्यवस्थितः ॥ (७।०)

श्वेतरक्तवर्णविशिष्टत्वात् ॥ (८।०)

अयं उत्तमः ॥ (९।०)

प्रथमस्तु हीनश्वेतरेषोऽल्पगुणः ॥ (१०।०)

स तु चर्मार इति निगद्यते ॥ (११।०)