प्राग्दिशो विभक्तिः ॥ (१।०)

किंसर्वनामबहुभ्यो ऽद्व्यादिभ्यः ॥ (२।०)

इदम इश् ॥ (३।०)

एतेतौ रथोः ॥ (४।०)

एतदो ऽन् ॥ (५।०)

सर्वस्य सो ऽन्यतरस्यां दि ॥ (६।०)

पञ्चम्यास् तसिल् ॥ (७।०)

तसेश् च ॥ (८।०)

पर्यभिभ्यां च ॥ (९।०)

सप्तम्यास् त्रल् ॥ (१०।०)

इदमो हः ॥ (११।०)

किमो ऽत् ॥ (१२।०)

वा ह च छन्दसि ॥ (१३।०)

इतराभ्यो ऽपि दृश्यन्ते ॥ (१४।०)

सर्वैकान्यकिंयत्तदः काले दा ॥ (१५।०)

इदमो र्हिल् ॥ (१६।०)

अधुना ॥ (१७।०)

दानीं च ॥ (१८।०)

तदो दा च ॥ (१९।०)

तयोर् दार्हिलौ च छन्दसि ॥ (२०।०)

अनद्यतने र्हिल् अन्यतरस्याम् ॥ (२१।०)

सद्यः परुत् परार्यैषमः परेद्यव्यद्यपूर्वेद्युरन्येद्युरन्यतरेद्युरितरेद्युरपरेद्युरधरेद्युरुभयेद्युरुत्तरेद्युः ॥ (२२।०)

प्रकारवचने थाल् ॥ (२३।०)

इदमस् थमुः ॥ (२४।०)

किमश् च ॥ (२५।०)

था हेतौ च छन्दसि ॥ (२६।०)

दिक्शब्देभ्यः सप्तमीपञ्चमीप्रथमाभ्यो दिग्देशकालेष्व् अस्तातिः ॥ (२७।०)

दक्षिणोत्तराभ्याम् अतसुच् ॥ (२८।०)

विभाषा परावराभ्याम् ॥ (२९।०)

अञ्चेर् लुक् ॥ (३०।०)

उपर्युपरिष्टात् ॥ (३१।०)

पश्चात् ॥ (३२।०)

पश्च पश्चा च छन्दसि ॥ (३३।०)

उत्तराधरदक्षिणाद् आतिः ॥ (३४।०)

एनब् अन्यतरस्याम् अदूरे ऽपञ्चम्याः ॥ (३५।०)

दक्षिणाद् आच् ॥ (३६।०)

आहि च दूरे ॥ (३७।०)

उत्तराच् च ॥ (३८।०)

पूर्वाधरावरानाम् असि पुरधवश् चैषाम् ॥ (३९।०)

अस्ताति च ॥ (४०।०)

विभाषा ऽवरस्य ॥ (४१।०)

सङ्ख्याया विधार्थे धा ॥ (४२।०)

अधिकरणविचाले च ॥ (४३।०)

एकाद् धो द्यमुञ् अन्यतरस्याम् ॥ (४४।०)

द्वित्र्योश् च धमुञ् ॥ (४५।०)

एधाच् च ॥ (४६।०)

याप्ये पाशप् ॥ (४७।०)

पूरणाद् भागे तीयाद् अन् ॥ (४८।०)

प्राग् एकादशभ्यो ऽछन्दसि ॥ (४९।०)

षष्ठाष्टमाभ्यां ञ च ॥ (५०।०)

मानपश्वङ्गयोः कन्लुकौ च ॥ (५१।०)

एकाद् आकिनिच् च असहाये ॥ (५२।०)

भूतपूर्वे चरट् ॥ (५३।०)

षष्ठ्या रूप्य च ॥ (५४।०)

अतिशायने तमबिष्ठनौ ॥ (५५।०)

तिङश् च ॥ (५६।०)

द्विवचनविभज्योपपदे तरबीयसुनौ ॥ (५७।०)

अजादी गुणवचनाद् एव ॥ (५८।०)

तुश् छन्दसि ॥ (५९।०)

प्रशस्यस्य श्रः ॥ (६०।०)

ज्य च ॥ (६१।०)

वृद्धस्य च ॥ (६२।०)

अन्तिकबाढयोर् नेदसाधौ ॥ (६३।०)

युवाल्पयोः कन् अन्यतरस्याम् ॥ (६४।०)

विन्मतोर् लुक् ॥ (६५।०)

प्रशंसायां रूपप् ॥ (६६।०)

ईषदसमाप्तौ कल्पब्देश्यदेशीयरः ॥ (६७।०)

विभाषा सुपो बहुच् पुरस्तात् तु ॥ (६८।०)

प्रकारवचने जातीयर् ॥ (६९।०)

प्राग् इवात् कः ॥ (७०।०)

अव्ययसर्वनाम्नाम् अकच् प्राक् टेः ॥ (७१।०)

कस्य च दः ॥ (७२।०)

अज्ञाते ॥ (७३।०)

कुत्सिते ॥ (७४।०)

सञ्ज्ञायां कन् ॥ (७५।०)

अनुकम्पायाम् ॥ (७६।०)

नीतौ च तद्युक्तात् ॥ (७७।०)

बह्वचो मनुष्यनाम्नष् ठज् वा ॥ (७८।०)

घनिलचौ च ॥ (७९।०)

प्राचाम् उपादेर् अडज्वुचौ च ॥ (८०।०)

जातिनाम्नः कन् ॥ (८१।०)

अजिनान्तस्योत्तरपदलोपश् च ॥ (८२।०)

ठाजादाव् ऊर्ध्वं द्वितीयाद् अचः ॥ (८३।०)

शेवलसुपरिविशालवरुणार्यमादीनां तृतीयात् ॥ (८४।०)

अल्पे ॥ (८५।०)

ह्रस्वे ॥ (८६।०)

सञ्ज्ञायां कन् ॥ (८७।०)

कुटीशमीशुण्डाभ्यो रः ॥ (८८।०)

कुत्वा डुपच् ॥ (८९।०)

कासूगोणीभ्यां ष्टरच् ॥ (९०।०)

वत्सोक्षाश्वर्षभेभ्यश् च तनुत्वे ॥ (९१।०)

किंयत्तदो निर्धारणे द्वयोर् एकस्य डतरच् ॥ (९२।०)

वा बहूनां जातिपरिप्रश्नो डतमच् ॥ (९३।०)

एकाच् च प्राचाम् ॥ (९४।०)

अवक्षेपणे कन् ॥ (९५।०)

इवे प्रतिकृतौ ॥ (९६।०)

सञ्ज्ञायां च ॥ (९७।०)

लुम् मनुष्ये ॥ (९८।०)

जीविकार्थे चापण्ये ॥ (९९।०)

देवपथादिभ्यश् च ॥ (१००।०)

वस्तेर् ढञ् ॥ (१०१।०)

शिलाया ढः ॥ (१०२।०)

शाखादिभ्यो यत् ॥ (१०३।०)

द्रव्यं च भव्ये ॥ (१०४।०)

कुशाग्राच् छः ॥ (१०५।०)

समासाच् च तद्विषयात् ॥ (१०६।०)

शर्करादिभ्यो ऽण् ॥ (१०७।०)

अङ्गुल्यादिभ्यष् ठक् ॥ (१०८।०)

एकशालायाष् ठज् अन्यतरस्याम् ॥ (१०९।०)

कर्कलोहिताद् ईकक् ॥ (११०।०)

प्रत्नपूर्वविश्वेमात् थाल् छन्दसि ॥ (१११।०)

पूगाञ् ञ्यो ऽग्रामणीपूर्वात् ॥ (११२।०)

व्रातच्फञोर् अस्त्रियाम् ॥ (११३।०)

आयुधजीविसङ्घाञ् ञ्यड् वाहीकेष्व् अब्राह्मणराजन्यात् ॥ (११४।०)

वृकाट् टेण्यण् ॥ (११५।०)

दामन्यादित्रिगर्तषष्ठाच् छः ॥ (११६।०)

पर्श्वादियौधेयादिभ्याम् अणञौ ॥ (११७।०)

अभिजिद्विदभृच्छालावच्छिखावच्छमीवदूर्णावच्छरुमदणो यञ् ॥ (११८।०)

ञ्यादयस् तद्राजाः ॥ (११९।०)