NiSaṃ zu Su, Cik., 27, 2.1
Select a line for its word-by-word analysis.
रसादिधातूनामयनमाप्यायनम् अथवा भेषजाश्रितानां रसवीर्यविपाकप्रभावाणाम् आयुर्बलवीर्यदार्ढ्याणां वयःस्थैर्यंकराणाम् अयनं लाभोपायो रसायनम् वर्धकं स्थापकमप्राप्तप्रापकं वेत्यर्थः ॥ (१।०)
rasādidhātūnāmayanamāpyāyanam athavā bheṣajāśritānāṃ rasavīryavipākaprabhāvāṇām āyurbalavīryadārḍhyāṇāṃ vayaḥsthairyaṃkarāṇām ayanaṃ lābhopāyo rasāyanam vardhakaṃ sthāpakamaprāptaprāpakaṃ vetyarthaḥ ||
द्विविधं रसायनं कुटीप्रावेशिकं वातातपिकं च पुनश्च त्रिविधं काम्यं नैमित्तिकम् आजस्रिकं च प्राणमेधाकामः श्रीकाम इत्यादिकं काम्यं नैमित्तिकं व्याधिनिमित्तं शिलाजतुभल्लातकतुवरकाद्यम् आजस्रिकं क्षीरघृताभ्यासादिकम् पुनश्च द्विविधं संशोधनसंशमनभेदेन दोषस्य संशोधनात् संशोधनं सस्यादिरसायनं संशमनं नागबलाप्रयोगादिकमिति ॥ (२।०)
dvividhaṃ rasāyanaṃ kuṭīprāveśikaṃ vātātapikaṃ ca punaśca trividhaṃ kāmyaṃ naimittikam ājasrikaṃ ca prāṇamedhākāmaḥ śrīkāma ityādikaṃ kāmyaṃ naimittikaṃ vyādhinimittaṃ śilājatubhallātakatuvarakādyam ājasrikaṃ kṣīraghṛtābhyāsādikam punaśca dvividhaṃ saṃśodhanasaṃśamanabhedena doṣasya saṃśodhanāt saṃśodhanaṃ sasyādirasāyanaṃ saṃśamanaṃ nāgabalāprayogādikamiti ||
Data courtesy of The Digital Corpus of Sanskrit.