NiSaṃ zu Su, Utt., 1, 9.2

66 of 71 · 5 verses

Select a line for its word-by-word analysis.

इदानीं सर्वेन्द्रियाधिष्ठानत्वेन प्राणाधिष्ठानत्वेन च शिरः प्रधानमतः प्रथमं शिरःस्थान् व्याधीन् कथयामीति निर्दिशन्नाह महत इत्यादि ॥ (१।०)

idānīṃ sarvendriyādhiṣṭhānatvena prāṇādhiṣṭhānatvena ca śiraḥ pradhānamataḥ prathamaṃ śiraḥsthān vyādhīn kathayāmīti nirdiśannāha mahata ityādi ||

तस्य उत्तरतन्त्रस्यादौ उत्तमाङ्गस्थान् रोगान् अभिदधामीति संबन्धः ॥ (२।०)

tasya uttaratantrasyādau uttamāṅgasthān rogān abhidadhāmīti saṃbandhaḥ ||

अम्बुधेरिव समुद्रस्येव महतः अतिविस्तीर्णस्य दुर्गाधस्य अगाधस्य ॥ (३।०)

ambudheriva samudrasyeva mahataḥ ativistīrṇasya durgādhasya agādhasya ||

संख्यया षट्सप्तत्या विदेहाधिपप्रोक्तया लक्षणैः व्यञ्जनैः चकारेण हेतुचिकित्साभ्यां साध्यासाध्यक्रमेण चेति साध्यासाध्यपरिपाट्या ॥ (४।०)

saṃkhyayā ṣaṭsaptatyā videhādhipaproktayā lakṣaṇaiḥ vyañjanaiḥ cakāreṇa hetucikitsābhyāṃ sādhyāsādhyakrameṇa ceti sādhyāsādhyaparipāṭyā ||

अथवा लक्षणैः हेतुपूर्वरूपोपशयसंप्राप्तिभिः चकारेण चिकित्सितम् एवानुक्तं समुच्चीयते केचिच्च क्रमशब्देनैव चिकित्सितं गृह्णन्ति ॥ (५।०)

athavā lakṣaṇaiḥ hetupūrvarūpopaśayasaṃprāptibhiḥ cakāreṇa cikitsitam evānuktaṃ samuccīyate kecicca kramaśabdenaiva cikitsitaṃ gṛhṇanti ||