NiSaṃ zu Su, Sū., 14, 6.2
Select a line for its word-by-word analysis.
रक्तार्तवयोर् अभेदं दर्शयन्नाह रसाद् एवेत्यादि ॥ (१।०)
raktārtavayor abhedaṃ darśayannāha rasād evetyādi ||
रजःसंज्ञम् इति संज्ञान्तरमेतत् स्त्रीयोनिप्रवृत्तस्य रक्तस्य ऋतुकालजं रक्तमेव रजःसंज्ञमुच्यत इत्यर्थः ॥ (२।०)
rajaḥsaṃjñam iti saṃjñāntarametat strīyonipravṛttasya raktasya ṛtukālajaṃ raktameva rajaḥsaṃjñamucyata ityarthaḥ ||
तद्वर्षाद् द्वादशाद् ऊर्ध्वम् इति तद् रजःसंज्ञं शोणितं द्वादशवर्षाद् अनन्तरं प्रवर्तत इति सम्बन्धः ॥ (३।०)
tadvarṣād dvādaśād ūrdhvam iti tad rajaḥsaṃjñaṃ śoṇitaṃ dvādaśavarṣād anantaraṃ pravartata iti sambandhaḥ ||
तस्य निवृत्तिकालम् आह याति पञ्चाशतः क्षयमिति ॥ (४।०)
tasya nivṛttikālam āha yāti pañcāśataḥ kṣayamiti ||
रसादेव रजः स्त्रीणां मासि मासि त्र्यहं स्रवेत् ॥ (५।०)
rasādeva rajaḥ strīṇāṃ māsi māsi tryahaṃ sravet ||
तद्वर्षाद् द्वादशाद् ऊर्ध्वं यावत्पञ्चाशतं समाः इत्यन्ये पठन्ति ॥ (६।०)
tadvarṣād dvādaśād ūrdhvaṃ yāvatpañcāśataṃ samāḥ ityanye paṭhanti ||
Data courtesy of The Digital Corpus of Sanskrit.