NiSaṃ zu Su, Śār., 3, 12.2
Select a line for its word-by-word analysis.
तस्मिन्नृतुकाले ऽपि समविषमदिवसयोः पुंस्त्रियोर् जन्म दर्शयन्नाह युग्मेष्वित्यादि । (१।१)
tasminnṛtukāle 'pi samaviṣamadivasayoḥ puṃstriyor janma darśayannāha yugmeṣvityādi |
ननु प्रागुक्तं शुक्रबाहुल्यात् पुमान् आर्तवबाहुल्यात् स्त्रीति किमयं विकल्प उत समुच्चय इति समुच्चयोऽयं तदुक्तं विदेहे युग्मेषु तु दिनेष्वासां भवत्यल्पतरं रजः ॥ (४।०)
nanu prāguktaṃ śukrabāhulyāt pumān ārtavabāhulyāt strīti kimayaṃ vikalpa uta samuccaya iti samuccayo'yaṃ taduktaṃ videhe yugmeṣu tu dineṣvāsāṃ bhavatyalpataraṃ rajaḥ ||
संयोगं तत्र या गच्छेत् सा पुमांसं प्रसूयते ॥ (५।०)
saṃyogaṃ tatra yā gacchet sā pumāṃsaṃ prasūyate ||
संयोगं तत्र या गच्छेत् सा तु कन्यां प्रसूयत इति ॥ (७।०)
saṃyogaṃ tatra yā gacchet sā tu kanyāṃ prasūyata iti ||
तथा भोजेऽपि अयुग्मे स्त्री पुमान् युग्मे संध्ययोस्तु नपुंसकम् ॥ (८।०)
tathā bhoje'pi ayugme strī pumān yugme saṃdhyayostu napuṃsakam ||
शुक्राधिकत्वात् पुरुषः प्रमदा रजसोऽधिकात् ॥ (९।०)
śukrādhikatvāt puruṣaḥ pramadā rajaso'dhikāt ||
शुक्रशोणितयोः साम्यात् तृतीया प्रकृतिर्भवेत् इति ॥ (१०।०)
śukraśoṇitayoḥ sāmyāt tṛtīyā prakṛtirbhavet iti ||
Data courtesy of The Digital Corpus of Sanskrit.