NiSaṃ zu Su, Śār., 3, 3.1
Select a line for its word-by-word analysis.
गर्भस्य शुक्रार्तवमूलत्वाच्छुक्रार्तवयोः स्वरूपमाह सौम्यम् इत्यादि ॥ (१।०)
garbhasya śukrārtavamūlatvācchukrārtavayoḥ svarūpamāha saumyam ityādi ||
ननु सर्वं पाञ्चभौतिकं तत् कथं भूतद्वयेनारम्भ इत्याहेतरेषाम् इत्यादि ॥ (४।०)
nanu sarvaṃ pāñcabhautikaṃ tat kathaṃ bhūtadvayenārambha ityāhetareṣām ityādi ||
इतरेषां पृथिवीवाय्वाकाशानाम् अणुना विशेषेण सूक्ष्मप्रकारेण सांनिध्यम् आश्रितत्वम् अस्ति ॥ (५।०)
itareṣāṃ pṛthivīvāyvākāśānām aṇunā viśeṣeṇa sūkṣmaprakāreṇa sāṃnidhyam āśritatvam asti ||
भूजलानलानिलाकाशानां धारणसंहननपरिणामव्यूहावकाशदानैः परस्परमुपकारस्तस्मात् यथा पार्थिवद्रव्ये पृथिव्याख्यं भूतं बलवदेकं शेषाणि सलिलादीनि चत्वारि दुर्बलान्याश्रयदानेनानुगृह्णाति द्रव्यान्तरे तु सलिलादिभिर् अपि चतुर्भिर् बलवद्भिर् दुर्बलं पृथिवीभूतमनुगृह्यते एवंविधात् परस्परानुग्रहाच्च ॥ (७।०)
bhūjalānalānilākāśānāṃ dhāraṇasaṃhananapariṇāmavyūhāvakāśadānaiḥ parasparamupakārastasmāt yathā pārthivadravye pṛthivyākhyaṃ bhūtaṃ balavadekaṃ śeṣāṇi salilādīni catvāri durbalānyāśrayadānenānugṛhṇāti dravyāntare tu salilādibhir api caturbhir balavadbhir durbalaṃ pṛthivībhūtamanugṛhyate evaṃvidhāt parasparānugrahācca ||
परस्परानुप्रवेशश् चान्योन्यानुप्रविष्टानि सर्वाण्येतानि निर्दिशेत् इत्यनेन प्राग् एव प्रतिपादितस् तस्मात् ॥ (८।०)
parasparānupraveśaś cānyonyānupraviṣṭāni sarvāṇyetāni nirdiśet ityanena prāg eva pratipāditas tasmāt ||
Data courtesy of The Digital Corpus of Sanskrit.