NiSaṃ zu Su, Sū., 14, 22.1
Select a line for its word-by-word analysis.
रक्तविकृतीरभिधाय प्रकृतिं वक्तुमाह इन्द्रगोपकप्रतीकाशम् इत्यादि ॥ (१।०)
raktavikṛtīrabhidhāya prakṛtiṃ vaktumāha indragopakapratīkāśam ityādi ||
इन्द्रगोपकः प्रावृट्कालज उद्भिज्जः इन्द्रवधूः इति लोके स चानेकप्रकारवर्णः अत्र तु रक्त एव गृह्यते ॥ (२।०)
indragopakaḥ prāvṛṭkālaja udbhijjaḥ indravadhūḥ iti loke sa cānekaprakāravarṇaḥ atra tu rakta eva gṛhyate ||
असंहतं नात्यच्छं नातिघनं न स्त्यायतीत्यन्ये ॥ (३।०)
asaṃhataṃ nātyacchaṃ nātighanaṃ na styāyatītyanye ||
अविवर्णमिति इन्द्रगोपकवर्णम् अपीषद् विविधवर्णम् एतेन पद्मालक्तकगुञ्जाफलवर्णम् इत्युक्तम् अथवा वस्त्रादिलग्नं सत् प्रक्षाल्यमानम् अपि न विवर्णतां यातीत्यविवर्णम् ॥ (४।०)
avivarṇamiti indragopakavarṇam apīṣad vividhavarṇam etena padmālaktakaguñjāphalavarṇam ityuktam athavā vastrādilagnaṃ sat prakṣālyamānam api na vivarṇatāṃ yātītyavivarṇam ||
Data courtesy of The Digital Corpus of Sanskrit.