परभैरवतां युक्त्या समापन्नस्य शाश्वतीम् ॥ (१।०)

तस्यैव योगिनो येच्छा शक्तिः सैव भवत्य् उमा ॥ (२।०)

परा भट्टारिका सैव कुमारीति प्रकीर्तिता ॥ (३।०)

सदाशिवादिक्षित्यन्तविश्वसर्गादिलीलया ॥ (४।०)

कुमारी कुं महामायाभूमिं मारयतीत्य् अपि ॥ (५।०)

कुमारी चोपभोग्यास्य योगिनो भैरवात्मनः ॥ (६।०)

कुमारी नान्यभोग्या च भोक्त्रैकात्म्येन तिष्ठति ॥ (७।०)

उमा कुमारी संत्यक्तसर्वासङ्गा महेशितुः ॥ (८।०)

आराधनपरा तद्वद् इच्छा शक्तिस् तु योगिनः ॥ (९।०)

अयम् एव स्फुटः पाठो दृष्टो ऽनुत्तरदैशिकैः ॥ (१०।०)

व्याख्यातश् च परैः शक्तितमेतिपठनात् पुनः ॥ (११।०)

प्रकर्षो व्याकृतो ऽमुष्याः शक्तेर् ज्ञानक्रियात्मतः ॥ (१२।०)

एवम् ईदृक्प्रभावेच्छाशक्तियुक्तस्य योगिनः ॥ (१३।०)