प्रोक्तचैतन्यरूपस्य साक्षात्करणमात्मनः ॥ (१।०)

यत् तज् ज्ञानं तद् एवास्य दानं यत्नेन दीयते ॥ (२।०)

परिपूर्णं स्वरूपं स्वं दीयते खण्ड्यते भिदा ॥ (३।०)

दायते शोध्यते रूपम् आत्मीयं दीयते पुनः ॥ (४।०)

रक्ष्यते प्रत्यभिज्ञातः शिवात्मा स्वस्वभावता ॥ (५।०)

दीयते चेति यत्नेन स्वात्मज्ञानम् अनुत्तरम् ॥ (६।०)

कृपया स्वात्मशिष्येभ्यस् तद् अनेनैव दीयते ॥ (७।०)

एवं सम्यग्व्रतं प्रोक्तं जपं चर्या च पालयन् ॥ (८।०)

शिवतुल्यः सदा स्वात्मशिवाराधनतत्परः ॥ (९।०)

अयम् एव महायोगी महामन्त्रधुरंधरः ॥ (१०।०)

अन्तेवासिजनस्यान्तस् तत्त्वतस् तत्त्वबोधकः ॥ (११।०)

इत्य् आह भगवान् ईशो नित्यानुग्रहकारकः ॥ (१२।०)