महामन्त्रमयं नौमि रूपं ते स्वच्छशीतलम् ॥ (१।०)

अपूर्वामोदसुभगं परामृतरसोल्वणम् ॥ (२।०)

इति श्रीप्रत्यभिज्ञाकृद्दैशिकप्रोक्तया दिशा ॥ (३।०)

अकृत्रिमाहमामर्शमयस्वात्मावमर्शिनः ॥ (४।०)

या या स्वैराभिलापात्मा कथा याथार्थ्यवादिनः ॥ (५।०)

भूयोभूयः परे भावे भावना भाव्यते हि या ॥ (६।०)

जपः सो ऽत्र स्वयं नादो मन्त्रात्मा जप्य ईदृशः ॥ (७।०)

षट्शतानि दिवारात्रं सहस्राण्य् एकविंशतिः ॥ (८।०)

जपो देव्याः समुद्दिष्टः सुलभो दुर्लभो जडैः ॥ (९।०)

इत्य् उक्तनीत्या सा सर्वस्वात्मेशामर्शसम्पदः ॥ (१०।०)

जनिपालनधर्मत्वाज् जप इत्य् अभिधीयते ॥ (११।०)

अथेदृग्विधयोगीन्द्रविषयापि च या कथा ॥ (१२।०)

जपः सो ऽपि जनस्योक्तो जनिपालनयोगतः ॥ (१३।०)

अथ चास्योच्यते चर्या मर्यादानुविधायिनी ॥ (१४।०)