तुर्याभ्यासप्रकर्षेण तुर्यातीतात्मकं पदम् ॥ (१।०)

सम्प्राप्तः साधकः साक्षात् सर्वलोकान्तरात्मना ॥ (२।०)

शिवेन चिन्मयस्वच्छस्वच्छदानन्दशालिना ॥ (३।०)

तुल्यो ऽविगलनाद् देहकलाया गलने शिवः ॥ (४।०)

अर्जितं दीक्षया दग्धं भविष्यन्ति यमादिभिः ॥ (५।०)

येनेदं साधितं यत्र तद्भुक्त्या विनिवर्तते ॥ (६।०)

अनेकभाविकं कर्म दग्धं बीजम् इवाग्निना ॥ (७।०)

भविष्यद् अपि संरुद्धं येनेदं तद्धि भोगतः ॥ (८।०)

इत्य् उक्तनीत्या प्रारब्धप्राप्तभोगोपभोगभूः ॥ (९।०)

कलेवरस्थितिस् तस्य कर्तव्येत्य् उपदिश्यते ॥ (१०।०)