अवीन् पशुजनान् पातीत्य् अविपं शक्तिमण्डलम् ॥ (१।०)

माहेश्वर्यादिकं प्रोक्तं कवर्गाद्यधिदैवतम् ॥ (२।०)

अधितिष्ठति यः स्वैरम् अविपस्थः स उच्यते ॥ (३।०)

जानातीत्य् अखिलं तत् ज्ञा ज्ञानशक्तिर् उदीर्यते ॥ (४।०)

तस्या हेतुस् तया शिष्यान् प्रतिबोधयितुं क्षमः ॥ (५।०)

अन्यस् तु शक्तिचक्रेण परतन्त्रीकृतत्वतः ॥ (६।०)

स्वात्मन्य् एवासमर्थः सन् कथम् अन्यान् प्रबोधयेत् ॥ (७।०)

यच् छब्दापेक्षया सूत्रे तच्छब्दो ऽध्याहृतः स्वयम् ॥ (८।०)

चशब्दो ह्य् अर्थवाच्य् अत्र यस्माज् ज्ञानप्रबोधने ॥ (९।०)

योगी हेतुस् ततो दानम् आत्मज्ञानम् इतीरितम् ॥ (१०।०)

इत्य् एवम् अविपस्थस्य ज्ञाहेतोर् अस्य योगिनः ॥ (११।०)