तेषां सृष्ट्यादिभावानां प्रवृत्ताव् अप्य् अनारतम् ॥ (१।०)

उन्मज्जने ऽपि निष्कम्पयोगावष्टम्भशालिनः ॥ (२।०)

अवस्थायुगलं चात्र कार्यकर्तृत्वशब्दितम् ॥ (३।०)

कार्यता क्षयिणी तत्र कर्तृत्वं पुनर् अक्षयम् ॥ (४।०)

कार्योन्मुखः प्रयत्नो यः केवलं सो ऽत्र लुप्यते ॥ (५।०)

तस्मिंल् लुप्ते विलुप्तो ऽस्मीत्य् अबुधः प्रतिपद्यते ॥ (६।०)

न तु यो ऽन्तर्मुखो भावः सर्वज्ञत्वगुणास्पदम् ॥ (७।०)

तस्य लोपः कदाचित् स्याद् अन्यस्यानुपलम्भनात् ॥ (८।०)

इति श्रीस्पन्दशास्त्रोक्तनीत्या तस्यास्य योगिनः ॥ (९।०)

अनिरासः स्वसंवेत्तृभावाद् अप्रच्युतिर् निजात् ॥ (१०।०)

उद्यत्तुर्यचमत्काराद् उपलब्धृस्वभावतः ॥ (११।०)

निरासे तस्य सृष्ट्यादेः सृज्यस्याप्य् अप्रकाशनात् ॥ (१२।०)

विश्वसृष्टिस्थितिध्वंसेष्व् अप्रकम्पस्य योगिनः ॥ (१३।०)