भूतानां देहधीप्राणशून्यानां ग्राहकात्मनाम् ॥ (१।०)

ग्राह्याणां स्थावराणां च संधानं परिपोषणम् ॥ (२।०)

पृथक्त्वम् अथ विश्लेषो व्याध्यादिक्लेशशान्तये ॥ (३।०)

विश्वस्य देशकालादिविप्रकृष्टस्य यत् पुनः ॥ (४।०)

संघट्टश् चक्षुराद्यक्षप्रत्यक्षीकरणादिकम् ॥ (५।०)

एतत् सर्वं भवेच् छक्तिसंधाने सति योगिनः ॥ (६।०)

यदा परिमिताः सिद्धीर् अनिच्छन् पुनर् इच्छति ॥ (७।०)

विश्वात्मताप्रथारूपां परां सिद्धिं तदास्य तु ॥ (८।०)