तत्त्वैः शक्तिगणाक्रान्तैर् धरण्यन्तैः कलादिभिः ॥ (१।०)

योनेर् योन्यन्तरं नेयः संवाह्यः पशुर् उच्यते ॥ (२।०)

तस्याणवमलाकारात् तत्तत्कर्मानुसारिणः ॥ (३।०)

अपूर्णमन्यतारूपाद् अभिलाषाद् बहिर्गतिः ॥ (४।०)

विषयोन्मुखतैवास्य नान्तस् तत्त्वानुसंहितिः ॥ (५।०)

यदा पुनर् महेशानशक्तिपातवशोन्मिषत् ॥ (६।०)

आत्मीयम् एव विमृशन् नास्ते रूपं तदास्य तु ॥ (७।०)

अभावाद् अभिलाषस्य न बहिर्गतिर् आपतेत् ॥ (८।०)

अपि तूक्तचरस्वात्मारामतैवेति कथ्यते ॥ (९।०)