तदेत्य् उक्ताभिलाषस्य प्रशमाज् जीवसंक्षये ॥ (१।०)

पुर्यष्टकप्रमातृत्वाभिमानगलने ऽप्य् असौ ॥ (२।०)

देहारम्भकरैर् भूतैर् अस्पृशद्भिर् अहंपदम् ॥ (३।०)

कञ्चुकीव विशेषेण मुक्तो निर्वाणभाग्यतः ॥ (४।०)

भूयो बाहुल्यतः पत्या समो ऽयं परमेशिना ॥ (५।०)

तत्स्वरूपसमाविष्टचिदानन्दघनात्मकः ॥ (६।०)

तत एव परः पूर्णः सम्यक् तन्मयतां गतः ॥ (७।०)

भूतकञ्चुकिताप्य् अस्य तदैव न निवर्तते ॥ (८।०)

कस्माद् इत्य् अपि शङ्कायाम् उत्तरं वक्ति शंकरः ॥ (९।०)