पुनश् च प्रोक्तचैतन्यस्वरूपोन्मीलनात्मकम् ॥ (१।०)

परयोगाधिरूढस्य भवेत् परमयोगिनः ॥ (२।०)

भूयः स्याद् इति वाक्यस्य स्फुटम् एवायम् आशयः ॥ (३।०)

यच् छिवत्वम् अमुष्योक्तं नापूर्वं तत् तु योगिनः ॥ (४।०)

स्वभाव एव तन्मायाशक्तिप्रोत्थापितान् निजात् ॥ (५।०)

नायं विकल्पदौरात्म्याद् भासमानम् अपि स्वतः ॥ (६।०)

विम्रष्टुं क्षम इत्य् अस्य प्रोक्तोपायक्रमेण तत् ॥ (७।०)

शिवत्वं व्यक्तिम् एतीति शिवेनोदीरितं शिवम् ॥ (८।०)

इत्य् उन्मेषस् तृतीयो ऽयम् आणवोपायसूचकः ॥ (९।०)

इति श्रीशिवसूत्राणां रहस्यार्थोपबृंहितम् ॥ (१०।०)

प्रागुक्तवार्त्तिकांशेन सहितं वार्त्तिकान्तरम् ॥ (११।०)

अखण्डसंवित्साम्राज्ययौवराज्याधिकारिणाम् ॥ (१२।०)

पराक्रमहठाक्रान्तषट्त्रिंशत्तत्त्वसम्पदाम् ॥ (१३।०)

मधुराजकुमाराणां महाहंताधिरोहिणाम् ॥ (१४।०)

पश्चिमेन तदालोकध्वस्तपश्चिमजन्मना ॥ (१५।०)

मया वरदराजेन मायामोहापसारकम् ॥ (१६।०)

श्रीक्षेमराजनिर्णीतव्याख्यानाध्वानुसारिणा ॥ (१७।०)

कृतिना कृष्णदासेन व्यञ्जितं कृपयाञ्जसा ॥ (१८।०)

अनुगृह्णन्तु नामैतत् सन्तः संतोषम् आगताः ॥ (१९।०)