विशेषभोग्यशब्दादिवासनावेशरूपितम् ॥ (१।०)

सत्त्वादिवृत्त्यवष्टम्भि बुद्ध्यहंकृन्मनोमयम् ॥ (३।०)

चित्तं तत् प्रोक्तचैतन्यस्वरूपानवमर्शनात् ॥ (४।०)

तत्तत्कर्मानुसारेण नानायोनीर् अनुव्रजत् ॥ (५।०)

अततीत्य् अत एवात्मा ततः सो ऽणुः प्रकीर्तितः ॥ (६।०)

आत्मनश् चातनं नास्ति संविदेकस्वरूपिणः ॥ (७।०)

अतश् चैतन्यम् आत्मेति धीक्रियात्मकम् आत्मनः ॥ (८।०)

विश्वस्वभावभूतं तत् तात्त्विकं रूपम् ईरितम् ॥ (९।०)

इदानीम् एतदीयेन स्वातन्त्र्येणावभासितात् ॥ (१०।०)

संकोचाद् अणुतायोगाच् चित्तम् आत्मेति लक्षितम् ॥ (११।०)

इति पूर्वापरादेशवैषम्यं नास्ति किंचन ॥ (१२।०)

अस्य चित्तस्वरूपस्य देहादेर् आत्मनस् त्व् अणोः ॥ (१३।०)