चेत्यते ऽनेन परमं स्वात्मतत्त्वं विमृश्यते ॥ (१।०)

इति चित्तं स्फुरत्तात्मप्रासादादिविमर्शनम् ॥ (२।०)

तद् एव मन्त्र्यते गुप्तम् अभेदेन विमृश्यते ॥ (३।०)

स्वस्वरूपम् अनेनेति मन्त्रस् तेनास्य दैशिकैः ॥ (४।०)

पूर्णाहंतानुसंध्यात्मस्फूर्जन्मननधर्मता ॥ (५।०)

संसारक्षयकृत्त्राणधर्मता च निरुच्यते ॥ (६।०)

तन्मन्त्रदेवतामर्शप्राप्ततत्सामरस्यकम् ॥ (७।०)

आराधकस्य चित्तं च मन्त्रस् तद्धर्मयोगतः ॥ (८।०)

अस्य चोक्तस्य मन्त्रस्य मननत्राणधर्मिणः ॥ (९।०)