अनुप्राणनम् इत्य् एतद् आदद्याद् इति शिष्यते ॥ (१।०)

अन्तर्मुखस्वरूपायां यथा चित्तस्थितौ तथा ॥ (२।०)

अनुप्राणनमुक्तेन तुर्येणानन्दरूपिणा ॥ (३।०)

कुर्याद् बहिर्मुखत्वे ऽपि देहाक्षविषयात्मनि ॥ (४।०)

तन्मयं भवतीत्य् अर्थात् तदा सर्वं चराचरम् ॥ (५।०)

एवं स्वानन्दरूपास्य शक्तिः स्वातन्त्र्यलक्षणा ॥ (६।०)

यथेष्टभावनिर्माणकारिणी भवति स्फुटम् ॥ (७।०)

यदा पुनर् असौ योगी प्रोक्तां तुर्यात्मिकां दशाम् ॥ (८।०)

आन्तरीं नामृशत्य् अन्तस् तदा देहाद्यहंकृतेः ॥ (९।०)

अपूर्णमन्यतारूपाद् अस्याणवमलात्मनः ॥ (१०।०)