योनिर् भेदप्रथाहेतुर् माया वर्गस् तदुत्थितः ॥ (१।०)

कलादिक्षितिपर्यन्ततत्त्वराशिस् तदात्मकः ॥ (२।०)

मायीयाख्यं मलं तत्तद्भिन्नवेद्यप्रथामयम् ॥ (३।०)

कलेति कायम् आविश्य परिच्छेदकरी नृणाम् ॥ (४।०)

व्यापृतिः पुण्यपापात्मा शरीरं यस्य तत् पुनः ॥ (५।०)

कार्मं च मलम् एतस्मिन् द्वये बन्धो ऽनुवर्तते ॥ (६।०)

ईश्वरप्रत्यभिज्ञायाम् उक्तम् एतन् मलत्रयम् ॥ (७।०)

स्वातन्त्र्यहानिर् बोधस्य स्वातन्त्र्यस्याप्य् अबोधता ॥ (८।०)

द्विधाणवं मलम् इदं स्वस्वरूपापहारतः ॥ (९।०)

भिन्नवेद्यप्रथात्रैव मायीयं जन्मभोगदम् ॥ (१०।०)

कर्तर्य् अबोधे कार्मं तु मायाशक्त्यैव तत् त्रयम् ॥ (११।०)

इत्य् अथैषां मलानां तु बन्धकत्वं निरूप्यते ॥ (१२।०)