सम्यग्ज्ञानक्रियाप्राणमन्त्रमुद्रायथास्थितिम् ॥ (१।०)

गृणात्य् उपदिशत्य् अर्थं तद्वीर्यं चेत्य् अतो गुरुः ॥ (२।०)

स एव मन्त्रमुद्राणां वीर्यव्याप्तिप्रकाशनात् ॥ (३।०)

उपायः कथ्यते साक्षाद् उपेयं परमं प्रति ॥ (४।०)

यद् वा गुरुः परा शक्तिर् ईश्वरानुग्रहात्मिका ॥ (५।०)

अवकाशप्रदानेन सैव यायाद् उपायताम् ॥ (६।०)

स गुरुर् मत्समः प्रोक्तो मन्त्रवीर्यप्रकाशकः ॥ (७।०)

आदिमान्त्यविहीनास् तु मन्त्राः स्युः शरदभ्रवत् ॥ (८।०)

गुरोर् लक्षणम् एतावद् आदिमान्त्यं च वेदयेत् ॥ (९।०)

इति श्रीमालिनीशास्त्रसिद्धातन्त्रोक्तवैभवात् ॥ (१०।०)

अकृत्रिमाहमामर्शस्वरूपाद्यन्तवेदकात् ॥ (११।०)

परमेष्ठिसमात् तस्मात् परमोपायतो गुरोः ॥ (१२।०)